കൊച്ചി: എറണാകുളം സ്വദേശിയായ യുവാവിനെ കപ്പലില്‍ നിന്ന് കാണാതായെന്ന് പരാതി. ഞാറയ്ക്കല്‍ സ്വദേശിയായ ഷിന്റോണ്‍ ബെന്നിയെയാണ് ബുധനാഴ്ച മുതല്‍ കാണാതായത്. മോൾ മാരിടൈം ഷിപ്പിങ് കമ്പനിയിലെ ഡെക്ക് ഓഫീസർ ട്രെയിനി ആയിരുന്നു ഷിൻ്റോണ്‍. സൗത്ത് ആഫ്രിക്കയില്‍ നിന്ന് സിംഗപൂരിലേക്ക് പോയ കപ്പലില്‍ നിന്നാണ് യുവാവിനെ കാണാതായത്.
ചൊവ്വാഴ്ച രാത്രിയാണ് ഷിന്റോണ്‍ അവസാനമായി വീട്ടിലേക്ക് വിളിച്ചത്. ബുധനാഴ്ച ഉച്ചയോടെയാണ് ഷിൻ്റോണിനെ കാണാൻ ഇല്ലെന്ന് അറിഞ്ഞത്. ബന്ധുക്കള്‍ ഞാറക്കല്‍ പോലീസിലും ഷിപ്പിംഗ് മന്ത്രാലയത്തിനും പരാതി നല്‍കിയിട്ടുണ്ട്. ഇൻഡോനേഷ്യക്ക് സമീപത്ത് വച്ചാണ് ഷിൻ്റോണ്‍ ബെന്നിയെ കാണാതായ വിവരം സ്ഥിരീകരിച്ചത്.
SUMMARY: A young man from Ernakulam has gone missing from a ship
