ബെംഗളൂരു: കർണാടകയിൽ വിവിധ സാമൂഹിക സുരക്ഷാ പെൻഷൻ പദ്ധതികൾക്ക് ബാധകമായ വാർഷിക കുടുംബവരുമാന പരിധി 32,000ൽ നിന്ന് 1.20 ലക്ഷമായി ഉയർത്തി സർക്കാർ ഉത്തരവിറക്കി.
സന്ധ്യാ സുരക്ഷാ പദ്ധതി, വിധവാ പെൻഷൻ, വയോജന പെൻഷൻ, ഭിന്നശേഷിക്കാർക്കുള്ള പെൻഷൻ ഉൾപ്പെടെയുള്ള വിവിധ സാമൂഹിക സുരക്ഷാ പദ്ധതികൾക്കാണ് പുതിയ വരുമാനപരിധി ബാധകമാകുന്നത്.
വരുമാനപരിധി കുറഞ്ഞിരുന്നതിനാൽ പെൻഷൻ ആനുകൂല്യത്തിൽ നിന്ന് പുറത്തായിരുന്ന അർഹരായവർക്ക് പുതിയ തീരുമാനം ഗുണകരമാകും. വാർഷിക വരുമാനം 1.20 ലക്ഷം വരെയുള്ള അർഹരായ ഗുണഭോക്താക്കൾക്ക് ഇനി പദ്ധതികളുടെ ആനുകൂല്യം ലഭിക്കാൻ അവസരം ലഭിക്കും.
സാമൂഹിക സുരക്ഷാ പെൻഷൻ പദ്ധതികളുടെ പരിധി കൂടുതൽ ആളുകളിലേക്ക് വ്യാപിപ്പിക്കുന്നതിന്റെ ഭാഗമായാണ് വരുമാനപരിധി ഉയർത്തിയിരിക്കുന്നത്.
SUMMARY: Income limit for various social pensions raised in Karnataka
