ബെംഗളൂരു: ഗണേശ ചതുർത്ഥി അവധിയോടനുബന്ധിച്ചുള്ള യാത്രാ തിരക്ക് കണക്കിലെടുത്ത് ഹുബ്ബള്ളി – തിരുവനന്തപുരം നോർത്ത് റൂട്ടില് ഇരുവശങ്ങളിലേക്കും സര്വീസ് പ്രഖ്യാപിച്ച് ദക്ഷിണ പശ്ചിമ റെയില്വേ. സെപ്റ്റംബർ 12, 14 തീയതികളില് ഓരോ ദിശയിലും ഓരോ ട്രിപ്പ് വീതമായിരിക്കും സർവീസ് നടത്തുക. ബെംഗളൂരുവില് എസ്എംവിടി ബെംഗളൂരു, കൃഷ്ണരാജപുരം എന്നിവിടങ്ങളില് സ്റ്റോപ്പുകള് ഉണ്ട്.
ട്രെയിൻ നമ്പർ 07325 -എസ്എസ്എസ് ഹുബ്ബള്ളി – തിരുവനന്തപുരം നോർത്ത് എക്സ്പ്രസ് സ്പെഷ്യൽ: 2026 സെപ്റ്റംബർ 12 ശനിയാഴ്ച രാവിലെ 08.30-ന് എസ്എസ്എസ് ഹുബ്ബള്ളിയിൽ നിന്ന് പുറപ്പെട്ട്, 2026 സെപ്റ്റംബർ 13 ഞായറാഴ്ച രാവിലെ 10-ന് തിരുവനന്തപുരം നോർത്തിൽ എത്തിച്ചേരും. എസ്എംവിടി ബെംഗളൂരുവിൽ വൈകിട്ട് 4.30 നും കൃഷ്ണരാജപുരത്ത് വൈകിട്ട് 4. 53 നും ആണ് എത്തിചേരുക.
ട്രെയിൻ നമ്പർ 07326 -തിരുവനന്തപുരം നോർത്ത് – എസ്എസ്എസ് ഹുബ്ബള്ളി എക്സ്പ്രസ് സ്പെഷ്യൽ: 2026 സെപ്റ്റംബർ 14 തിങ്കളാഴ്ച ഉച്ചയ്ക്ക് 2 ന് തിരുവനന്തപുരം നോർത്തിൽ നിന്ന് പുറപ്പെട്ട്, 2026 സെപ്റ്റംബർ 15 ചൊവ്വാഴ്ച ഉച്ചയ്ക്ക് 03:45-ന് എസ്എസ്എസ് ഹുബ്ബള്ളിയിൽ എത്തിച്ചേരും.
സ്റ്റോപ്പുകൾ: ഹവേരി, ഹരിഹർ, ദാവണഗെരെ, അർസികെരെ, തുമകുരു, എസ്എംവിടി ബെംഗളൂരു, കൃഷ്ണരാജപുരം, ബംഗാരപേട്ട്, സേലം, ഈറോഡ്, തിരുപ്പൂർ, പോടനൂർ, പാലക്കാട്, തൃശൂർ, ആലുവ, എറണാകുളം ടൗൺ, കോട്ടയം, ചങ്ങനാശ്ശേരി, തിരുവല്ല, ചെങ്ങന്നൂർ, മാവേലിക്കര, കായംകുളം, കരുനാഗപ്പള്ളി, കൊല്ലം, വർക്കല.
9 സ്ലീപ്പർ ക്ലാസ് കോച്ചുകൾ, 9 ജനറൽ സെക്കൻഡ് ക്ലാസ് കോച്ചുകൾ, 2 ലഗേജ്-കം-ബ്രേക്ക് വാനുകൾ എന്നിവ ഉൾപ്പെടുന്ന 20 കോച്ചുകളുമായാണ് ട്രെയിൻ സർവീസ് നടത്തുക.
SUMMARY:Ganesha Chaturthi: Railways announces Hubballi-Thiruvananthapuram special train via Bengaluru.
.
