കണ്ണൂർ: തലശ്ശേരി ഗവണ്മെന്റ് ഗേള്സ് ചില്ഡ്രൻസ് ഹോമില് നിന്ന് നാല് പെണ്കുട്ടികളെ കാണാതായി. ഇന്നലെ അർധരാത്രി 12 മണിക്കും ഒരു മണിക്കും ഇടയിലാണ് പെണ്കുട്ടികള് ഹോമില് നിന്ന് പുറത്തുകടന്നതെന്നാണ് വിവരം. നാലുപേരും ഒരുമിച്ചാണ് പോയതെന്നാണ് പോലീസ് കണ്ടെത്തിയത്. ഹോമില് നിന്ന് പുറത്തുകടക്കുന്ന പെണ്കുട്ടികളുടെ സിസിടിവി ദൃശ്യങ്ങള് പോലീസ് പരിശോധിച്ചുവരികയാണ്.
നേരത്തെയും സമാനമായി ചില്ഡ്രൻസ് ഹോമില് നിന്ന് പുറത്തുപോയി പിന്നീട് കണ്ടെത്തിയ ഒരു പെണ്കുട്ടിക്കൊപ്പമാണ് മറ്റ് മൂന്ന് പേരും പോയതെന്നാണ് പോലീസിന്റെ പ്രാഥമിക നിഗമനം. ചില്ഡ്രൻസ് ഹോമിന് സമീപത്തെയും പെണ്കുട്ടികള് പോയിരിക്കാമെന്ന് കരുതുന്ന സ്ഥലങ്ങളിലെയും സിസിടിവി ദൃശ്യങ്ങള് കേന്ദ്രീകരിച്ചാണ് അന്വേഷണം പുരോഗമിക്കുന്നത്.
പെണ്കുട്ടികള് എത്തിയിരിക്കാനിടയുള്ള സ്ഥലങ്ങളെക്കുറിച്ച് ചില വിവരങ്ങള് ലഭിച്ചിട്ടുണ്ടെന്നും ഇവരെ ഉടൻ കണ്ടെത്താനാകുമെന്ന പ്രതീക്ഷയിലാണ് പോലീസെന്നും റിപ്പോർട്ടുകള് പറയുന്നു.
SUMMARY: Four girls have gone missing from the Thalassery Children’s Home
