അറസ്റ്റിലായവരെ വിട്ടയച്ചില്ലെങ്കിൽ നിരാഹാര സമരം; മുന്നറിയിപ്പുമായി സോനം വാങ്ചുക്

വോട്ടർപട്ടികയിലെ പ്രത്യേക തീവ്ര പരിഷ്‌കരണമായ എസ്‌.ഐ.ആറിനെതിരെയും തിരഞ്ഞെടുപ്പ് കമ്മീഷന്റെ നടപടികൾക്കെതിരെയും പ്രതിഷേധിച്ച് ഡൽഹിയിലെ ജന്തർ മന്തറിൽ സംഘടിപ്പിച്ച സമരത്തിനിടെയാണ് സംഘർഷമുണ്ടായത്. മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവയ്ക്കണമെന്നതായിരുന്നു പ്രതിഷേധക്കാരുടെ പ്രധാന ആവശ്യം. വോട്ടർപട്ടികയിൽ ക്രമക്കേടുകൾ നടന്നെന്ന ആരോപണവും പ്രതിഷേധക്കാർ ഉന്നയിച്ചു. പ്രതിപക്ഷ നേതാക്കളടക്കം നിരവധി പേരെ പോലീസ് കസ്റ്റഡിയിലെടുത്തു.

ജന്തർ മന്തറിലേക്ക് മാർച്ച് ചെയ്യാൻ ശ്രമിക്കുന്നതിനിടെ എഎപി ദേശീയ കൺവീനർ അരവിന്ദ് കെജ്‌രിവാൾ, ടിഎംസി അധ്യക്ഷ മമത ബാനർജി, കേരള പ്രതിപക്ഷ നേതാവ് പിണറായി വിജയൻ, സിജെപി സ്ഥാപകൻ അഭിജീത് ദിപ്കെ, വിദ്യാർത്ഥി നേതാവ് നേഹ ബോറ എന്നിവരടക്കം ആയിരത്തോളം പ്രതിഷേധക്കാരെയാണ് ഡൽഹി പോലീസ് കരുതൽ തടങ്കലിലാക്കിയത്.
SUMMARY: Sonam Wangchuk warns of a hunger strike if those arrested are not released.