ലഖ്‌നൗ: ഉത്തർപ്രദേശിലെ സുല്‍ത്താൻപൂരില്‍ ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധിയുടെ വാഹനവ്യൂഹം അപകടത്തില്‍പെട്ടു. രാഹുല്‍ ഗാന്ധിയുടെ സംഘത്തിലുണ്ടായിരുന്ന അഞ്ച് വാഹനങ്ങള്‍ കൂട്ടിയിടിക്കുകയായിരുന്നു. പുർവാഞ്ചല്‍ എക്‌സ്പ്രസ് വേയിലാണ് സംഭവം. അപകീർത്തി കേസില്‍ സുല്‍ത്താൻപൂരിലെ പ്രത്യേക എം.പി-എം.എല്‍.എ കോടതിയില്‍ നേരിട്ട് ഹാജരാകാൻ പോകുന്നതിനിടെയാണ് അപകടം നടന്നത്.
അപകടത്തില്‍ രാഹുല്‍ ഗാന്ധിക്ക് പരുക്കേറ്റിട്ടില്ല. എന്നാല്‍ വാഹനവ്യൂഹത്തിലുണ്ടായിരുന്ന നിരവധി കോണ്‍ഗ്രസ് പ്രവർത്തകർക്ക് പരുക്കേറ്റതായാണ് വിവരം. പ്രാദേശിക കോണ്‍ഗ്രസ് നേതാക്കള്‍ സഞ്ചരിച്ചിരുന്ന, വ്യൂഹത്തിന്റെ മുൻനിരയിലുണ്ടായിരുന്ന സ്വകാര്യ വാഹനം പെട്ടെന്ന് ബ്രേക്ക് ചെയ്തതാണ് അപകടത്തിന് വഴിവെച്ചതെന്ന് പോലീസ് ഉദ്യോഗസ്ഥർ വ്യക്തമാക്കി. ഇതോടെ തൊട്ടുപിന്നാലെയെത്തിയ അകമ്പടി വാഹനങ്ങള്‍ ഒന്നിനുപുറകെ ഒന്നായി കൂട്ടിയിടിക്കുകയായിരുന്നു.
SUMMARY: Rahul Gandhi’s convoy met with an accident
