ബെംഗളൂരു: കോറമംഗല ചെക്ക്പോസ്റ്റിന് സമീപം സർവീസ് നടത്തുകയായിരുന്ന ബെംഗളൂരു മെട്രോപൊളിറ്റൻ ട്രാൻസ്‌പോർട്ട് കോർപ്പറേഷന്റെ ബസിന് തീപിടിച്ചു. ശനിയാഴ്ച രാവിലെയായിരുന്നു സംഭവം. ബസിനുള്ളിൽ പുക ഉയരുന്നത് ശ്രദ്ധയിൽപ്പെട്ടതോടെ ഡ്രൈവർ വാഹനം സുരക്ഷിതമായി നിർത്തി യാത്രക്കാരെ ഉടൻ പുറത്തിറക്കി. സംഭവത്തിൽ ആർക്കും പരുക്കില്ല.
BMTC Bus Catches Fire In Koramangala: ಬೆಂಗಳೂರಿನಲ್ಲಿ ಆತಂಕ ಸೃಷ್ಟಿಸಿದ ಘಟನೆ – ಹೊತ್ತಿ ಉರಿದ ಸಾರಿಗೆ ಬಸ್! | tv5kannada
#koramangala #bmtcbusfire #bengalurunews #busaccident #bengalurutraffic #latestnews #tv5kannada #kannadanews #tv5kannadalive #tv5karnataka https://t.co/L6O4yFMDLA— TV5 Kannada (@TV5kannada) October 31, 2026
ഹൂഡിയിൽനിന്ന് കെ.ആർ. മാർക്കറ്റിലേക്ക് പോവുകയായിരുന്ന ബസിലാണ് തീപിടിത്തമുണ്ടായത്. പുക ഉയരുന്നത് ശ്രദ്ധയിൽപ്പെട്ടതോടെ ഡ്രൈവറും കണ്ടക്ടറും യാത്രക്കാരോട് ഉടൻ പുറത്തിറങ്ങാൻ നിർദേശിച്ചു. തുടർന്ന് ബസിലുണ്ടായിരുന്ന അഗ്നിശമന ഉപകരണം ഉപയോഗിച്ച് തീ നിയന്ത്രിക്കാൻ ശ്രമിച്ചു.
വിവരമറിഞ്ഞ് അഗ്നിരക്ഷാസേന സ്ഥലത്തെത്തി തുടർനടപടികൾ സ്വീകരിച്ചു. തീ കൂടുതൽ പടരുന്നത് തടയാൻ കഴിഞ്ഞു. ബസിലുണ്ടായിരുന്ന യാത്രക്കാരെ സുരക്ഷിതമായി മാറ്റിയതിനാൽ വലിയ അപകടം ഒഴിവായി. ബസിലെ വൈദ്യുത സംവിധാനത്തിലുണ്ടായ ഷോർട്ട് സർക്യൂട്ടാകാം തീപിടിത്തത്തിന് കാരണമെന്നാണ് പ്രാഥമിക സംശയം. എന്നാൽ അപകടത്തിന്റെ കൃത്യമായ കാരണം ഔദ്യോഗികമായി സ്ഥിരീകരിച്ചിട്ടില്ല. സാങ്കേതിക പരിശോധനയ്ക്കുശേഷമേ കാരണം വ്യക്തമാകൂ.
SUMMARY: BMTC bus catches fire in Koramangala; passengers safe
