കൊച്ചി: ചേരാനെല്ലൂര്‍ വാഹനാപകട കേസില്‍ പതിനേഴുകാരന്റെ പിതാവായ അഡീഷണല്‍ ജില്ലാ ജഡ്ജിക്കെതിരെ തെളിവ് നശിപ്പിക്കല്‍ വകുപ്പു കൂടി ചേര്‍ത്തു. ബിഎന്‍എസ് 238 വകുപ്പാണ് ചേര്‍ത്തിരിക്കുന്നത്. പുതിയ വകുപ്പ് ചേര്‍ത്ത റിപ്പോര്‍ട്ട് ക്രൈംബ്രാഞ്ച് കോടതിയില്‍ സമര്‍പ്പിച്ചു.
അപകടത്തിൽ മരിച്ച ജയബാലകൃഷ്ണന്റെ മകൾ തന്നെയാണ് തെളിവ് നശിപ്പിച്ചതായി ചൂണ്ടിക്കാട്ടി ക്രൈംബ്രാഞ്ചിന് പരാതി നൽകിയിരുന്നത്. ഈ നിർണ്ണായക വിവരം ക്രൈംബ്രാഞ്ച് സംഘം കോടതിയെ ഔദ്യോഗികമായി അറിയിക്കുകയും ചെയ്തിട്ടുണ്ട്.
കഴിഞ്ഞ ദിവസമാണ് കേസില്‍ പതിനേഴുകാരന്റെ പിതാവായ ജഡ്ജിയെ പോലീസ് പ്രതിചേര്‍ത്തത്. വാഹനത്തിന്റെ ഉടമയായ ജഡ്ജിയോട് ഹൈക്കോടതി വിശദീകരണം തേടിയിരുന്നു. പ്രായപൂര്‍ത്തിയാകാത്ത മകന് വാഹനം ഓടിക്കാന്‍ നല്‍കിയത് എന്തിനെന്ന് കോടതി ചോദിച്ചു. ജഡ്ജിക്ക് ഹൈക്കോടതി മെമ്മോയും അയച്ചിരുന്നു.
ഇരിങ്ങാലക്കുട അഡീഷണല്‍ ജില്ലാ മജിസ്‌ട്രേറ്റിന്റെ മകന് ഓടിച്ച കാറിടിച്ചാണ് മാഞ്ഞാലി സ്വദേശി ജയബാലകൃഷ്ണന്‍ മരിച്ചത്. റിനോ ഫ്രാന്‍സിസ് സേവ്യറിന്റെ പേരിലാണ് വാഹനം. ചേരാനല്ലൂര്‍ കണ്ടെയ്‌നര്‍ റോഡില്‍ വെച്ചായിരുന്നു അപകടം. ജയബാലകൃഷ്ണന്‍ സഞ്ചരിച്ചിരുന്ന ആക്ടീവ സ്‌കൂട്ടര്‍ ഇടിച്ച് തെറിപ്പിക്കുകയായിരുന്നു.
തട്ടുകടക്കാരന്‍ ആയതുകൊണ്ടാണോ വിവേചനമെന്നും നീതി കിട്ടുംവരെ പോരാടുമെന്നും ജയബാലകൃഷ്ണന്റെ മകള്‍ ഭദ്രകീര്‍ത്തി വ്യക്തമാക്കിയിരുന്നു. പ്രോസിക്യൂഷന്റെ ഭാഗത്തുനിന്ന് ഗുരുതരമായ വീഴ്ച സംഭവിക്കുന്നതായും ഭദ്രകീര്‍ത്തി ചൂണ്ടിക്കാണിച്ചിരുന്നു. പ്രോസിക്യൂഷന്റെ നടപടിയില്‍ നിരാശ ഉണ്ടെന്നും, പ്രോസിക്യൂഷനെ മാറ്റണമെന്നും കഴിഞ്ഞ ദിവസം ഭദ്രകീര്‍ത്തി ആവശ്യപ്പെട്ടിരുന്നു.
SUMMARY: Cheranalloor accident: ‘Evidence against son destroyed’; judge charged with destruction of evidence
SUMMARY: Cheranalloor accident: ‘Evidence against son destroyed’; judge charged with destruction of evidence
