ബെംഗളൂരു: പുകയില വിൽപ്പനയും പുകവലിയും നിയന്ത്രിക്കുന്നതിന്റെ ഭാഗമായി നടപടികൾ ആരംഭിച്ച് ബിബിഎംപി. പുകയില ഉത്പന്നങ്ങൾ വിൽക്കുന്നവർക്ക് ലൈസൻസ് നിർബന്ധമാക്കിയതായി ബിബിഎംപി അറിയിച്ചു. നഗരത്തിലുടനീളമുള്ള പുകയില വിൽപ്പനക്കാർക്ക് പുതിയ ലൈസൻസിംഗ് നയങ്ങൾ ബാധകമാണ്. ബിബിഎംപി അഡ്മിനിസ്ട്രേറ്റർ എസ്.ആർ. ഉമാശങ്കർ ആണ് പുതിയ നയത്തിന് അംഗീകാരം നൽകിയത്.
എല്ലാ പുകയില വിൽപ്പനക്കാരും അവരുടെ ഉൽപ്പന്നങ്ങൾ വിൽക്കാൻ ലൈസൻസ് നേടേണ്ടതുണ്ട്. ഇതിൽ പരാജയപ്പെടുന്നവരിൽ നിന്നും പിഴ ഈടാക്കയും. നിയമം ലംഘിക്കുന്നവർക്ക് ആദ്യതവണ 5,000 രൂപ, തുടർച്ചയായി നിയമം പാലിക്കാത്തതിന് പ്രതിദിനം 100 രൂപയും അധികമായി ഈടാക്കും. ബിബിഎംപിയുടെ ഔദ്യോഗിക വെബ്സൈറ്റ് വഴിയാണ് ലൈസൻസ് നടപടികൾ ഓൺലൈനായി നടത്തുക. യോഗ്യരായ അപേക്ഷകർ 18 വയസ്സിന് മുകളിലായിരിക്കണം. വാർഷിക ഫീസ് 500 രൂപയാണ്. ലൈസൻസ് കാലഹരണപ്പെടുന്നതിന് ഒരു മാസം മുമ്പ് പുതുക്കേണ്ടത് നിർബന്ധമാക്കിയിട്ടുണ്ട്.
TAGS: BENGALURU | BBMP | TOBACCO
SUMMARY: Palike Licence A Must To Sell Tobacco Items
