ബെംഗളൂരു: പരീക്ഷയിൽ തോറ്റതിന്റെ ദേഷ്യത്തിൽ ക്ഷേത്രത്തിലെ വിഗ്രഹം തകർത്ത് എസ്എസ്എൽസി വിദ്യാർഥി. ഈസ്റ്റ് ബെംഗളൂരുവിലെ തിപ്പസാന്ദ്രയിലാണ് സംഭവം. സംഭവത്തിൽ കുട്ടിയെ പോലീസ് കസ്റ്റഡിയിലെടുത്തു. പരീക്ഷയില് തന്റെ തുടര്ച്ചയായ പരാജയത്തിന് ദൈവങ്ങളെ കുറ്റപ്പെടുത്തിയ വിദ്യാര്ഥി ക്ഷേത്രത്തിലെത്തി വിഗ്രഹം തകര്ക്കുകയായിരുന്നുവെന്ന് പോലീസ് പറഞ്ഞു.
ക്ഷേത്രത്തിലെ പൂജാരിയാണ് തകര്ന്ന വിഗ്രഹം ആദ്യം കണ്ടത്. തുടര്ന്ന് പോലീസില് വിവരം അറിയിക്കുകയായിരുന്നു. സിസിടിവി ദൃശ്യങ്ങള് പരിശോധിച്ചതില് നിന്നാണ് വിദ്യാര്ഥിയെ കുറിച്ച് സൂചന ലഭിച്ചത്. പിന്നീട് കുട്ടിയെ കസ്റ്റഡിയിലെടുക്കുകയായിരുന്നു. തുടര് നടപടികള്ക്കായി കുട്ടിയെ ജുവനൈല് ജസ്റ്റിസ് ബോര്ഡിന് കൈമാറി.
TAGS: BENGALURU | ATTACK
SUMMARY: Class ten student defaces temple idol for failing exam
WhatsApp
Telegram
