കണ്ണൂര്: പയ്യന്നൂര് കരിവള്ളൂരില് പോലീസുകാരിയെ വീട്ടില് കയറി വെട്ടിക്കൊന്ന സംഭവത്തില് ഭര്ത്താവ് രാജേഷ് പിടിയില്. സംഭവ ശേഷം ഒളിവില് പോയ രാജേഷിനെ പുതിയ തെരുവില് നിന്ന് പോലീസ് പിടികൂടുകയായിരുന്നു. ബാറില് നിന്നുമാണ് പോലീസ് ഇയാളെ പിടികൂടിയത്.
കരിവള്ളൂര് പലിയേരി ദിവ്യശ്രീയാണ് മരിച്ചത്. കാസറഗോഡ് ചന്തേര പോലീസ് സ്റ്റേഷനിലെ സിപിഒ ആണ് ദിവ്യശ്രീ. ആക്രമണം തടയാന് ശ്രമിക്കുന്നതിനിടെ ദിവ്യശ്രീയുടെ അച്ഛന് വാസുവിനും വെട്ടേറ്റു. കഴുത്തിനും വയറിനും വെട്ടേറ്റ വാസുവിനെ ഗുരുതരാവസ്ഥയില് ആശുപത്രിയിലെത്തിച്ചു.ഇന്ന് വൈകീട്ടോടെ വീട്ടിലെത്തിയാണ് രാജേഷ് ആക്രമണം നടത്തിയത്. ആസൂത്രിത കൊലപാതകമാണ് അരങ്ങേറിയത് എന്നാണ് പോലീസിന്റെ പ്രാഥമിക വിലയിരുത്തല്.
ദിവ്യശ്രീയും രാജേഷും തമ്മിൽ ദാമ്പത്യപ്രശ്നങ്ങളുണ്ടായിരുന്നു. ഇതേ തുടർന്നു കഴിഞ്ഞ കുറേനാളായി ഇരുവരും അകന്നുകഴിയുകയായിരുന്നുവെന്നാണു വിവരം.
<BR>
TAGS : ARRESTED
SUMMARY : The husband who killed the policewoman in Kannur was arrested from the bar
