പാലക്കാട്: തച്ചമ്പാറയില്‍ പത്താം ക്ലാസ് വിദ്യാർഥിനിയെ വീട്ടിലെ കുളിമുറിയില്‍ മരിച്ച നിലയില്‍ കണ്ടെത്തി. പൊന്നംക്കോട് പാലക്കണി വീട്ടില്‍ റഷീദിന്റെ മകള്‍ റിദ ഫാത്തിമ (16) ആണ് മരിച്ചത്. ബുധനാഴ്ച ഉച്ചയ്‌ക്ക് 12.30ഓടെയാണ് സംഭവം. വീടിനോട് ചേർന്നുള്ള പുറത്തെ കുളിമുറിയില്‍ കുളിക്കാൻ കയറിയ വിദ്യാർഥിനിയെ ഏറെ നേരമായിട്ടും കാണാതിരുന്നതിനെ തുടർന്ന് വീട്ടുകാർ അന്വേഷിച്ചപ്പോഴാണ് മരിച്ച നിലയില്‍ കണ്ടെത്തിയത്.
തുടർന്ന് തച്ചമ്പാറയിലെ സ്വകാര്യ ആശുപത്രിയില്‍ എത്തിച്ചെങ്കിലും മരണം സ്ഥിരീകരിച്ചു. മരണകാരണം വ്യക്തമായിട്ടില്ല. സംഭവത്തില്‍ പോലീസ് അന്വേഷണം ആരംഭിച്ചു. ശാരീരിക അസ്വസ്ഥതകളെ തുടർന്ന് റിദ ഒരാഴ്ചയായി സ്കൂളില്‍ പോയിരുന്നില്ലെന്ന് ബന്ധുക്കള്‍ പറഞ്ഞു.
SUMMARY: Class 10 student found dead
