ബെംഗളൂരു: 25 വർഷം മുമ്പ് കാണാതായ കർണാടക സ്വദേശിനിയെ കണ്ടെത്തി. ഹിമാചൽ പ്രദേശിലെ മാണ്ഡിയിൽ നിന്നാണ് സക്കമ്മയെന്ന 50കാരിയെ കണ്ടെത്തിയത്. ബെള്ളാരിയിലെ ദനനായകനകെരെ ഗ്രാമത്തിൽ നിന്നുള്ള സക്കമ്മ 25 വർഷം മുമ്പ് മക്കളോടൊപ്പം ഹൊസപേട്ടയിൽ ബന്ധുവിൻ്റെ വിവാഹത്തിൽ പങ്കെടുത്തിരുന്നു. ഇതിനിടെ, അബദ്ധത്തിൽ ചണ്ഡീഗഡിലേക്ക് ട്രെയിനിൽ കയറുകയും പിന്നീട് വിവിധ ഉത്തരേന്ത്യൻ സംസ്ഥാനങ്ങളിലെ പ്രയാസകരമായ സാഹചര്യങ്ങളിലൂടെ ജീവിക്കുകയും ചെയ്തു.
സക്കമ്മയെ കാണാനില്ലെന്ന് വീട്ടുകാർ പരാതി നൽകിയിരുന്നു. വർഷങ്ങളായിട്ടും ഇവരെ കണ്ടെത്താനാകാത്തതിനെ തുടർന്ന് അന്ത്യകർമങ്ങൾ നടത്തുകയും ചെയ്തിരുന്നു. അടുത്തിടെ യുവ ഐപിഎസ് ഉദ്യോഗസ്ഥൻ വൃദ്ധസദനം സന്ദർശിച്ച് യുവതി കന്നഡയിൽ സംസാരിക്കുന്നതായി കണ്ടെത്തിയതിനെ തുടർന്നാണ് ഇവരുടെ ബന്ധുക്കൾക്കായി അന്വേഷണം ആരംഭിച്ചത്.
TAGS: KARNATAKA | MISSING
SUMMARY: Women missing from past 25 years found at old age home
