തിരുവനന്തപുരം: മുണ്ടക്കൈ-ചൂരല്മല ഉരുള്പൊട്ടല് ദുരന്തബാധിതരുടെ പുനരധിവാസ പദ്ധതിക്ക് അംഗീകാരം നല്കി മന്ത്രിസഭാ യോഗം. സമയബന്ധിതമായി പദ്ധതികള് നടപ്പാക്കും. മുപ്പത് സുപ്രധാന തീരുമാനങ്ങള് മന്ത്രിസഭാ യോഗം കൈക്കൊണ്ടു. മൂന്നരയ്ക്ക് മുഖ്യമന്ത്രി മാധ്യമങ്ങളെ കാണും. പുനരധിവാസ പ്രവർത്തനങ്ങള്ക്കായി 2219 കോടിയുടെ സഹായമാണ് കേരളം കേന്ദ്രത്തോട് ആവശ്യപ്പെട്ടത്.
ചീഫ് സെക്രട്ടറിയുടെ നേതൃത്വത്തില് തയാറാക്കിയ മാസ്റ്റർ പ്ലാൻ പ്രകാരം രണ്ട് ടൗണ്ഷിപ്പുകളിലായി ആയിരം ചതുരശ്ര അടിയില് ഒറ്റനിലയുള്ള വീടുകള് ആണ് ലക്ഷ്യംവയ്ക്കുന്നത്. അതേസമയം, ടൗണ്ഷിപ്പ് നിർമാണവുമായി ബന്ധപ്പെട്ട് എസ്റ്റേറ്റുകളില് സർവേ തുടങ്ങി. കൃഷി, വനം, റവന്യൂ വകുപ്പുകളുടെ സംയുക്ത പരിശോധനയാണ് നടക്കുന്നത്.
പുനരധിവാസത്തിന് സഹായം വാഗ്ദാനം ചെയ്തവരുമായി മുഖ്യമന്ത്രിയുടെ കൂടിക്കാഴ്ച തുടങ്ങി. പ്രതിപക്ഷ നേതാവ് വി.ഡി സതീശൻ, ടി സിദ്ദിഖ് എം. എൽ. എ, ഡി.വൈ.എഫ്.ഐ സംസ്ഥാന പ്രസിഡന്റ് വി. വസീഫ് തുടങ്ങിയവരുമായാണ് മുഖ്യമന്ത്രിയുടെ കൂടിക്കാഴ്ച നടത്തുന്നത്.
TAGS : WAYANAD LANDSLIDE
SUMMARY : The cabinet approved the Wayanad rehabilitation project
