വീട്ടുമുറ്റത്ത് കളിച്ചുകൊണ്ടിരുന്ന രണ്ട് കുട്ടികളെ കാണാതായി

ബെംഗളൂരു: ബെംഗളൂരുവിൽ വീട്ടുമുറ്റത്ത് കളിച്ചുകൊണ്ടിരുന്ന രണ്ട് ആൺകുട്ടികളെ കാണാതായി. ജയനഗർ മൂന്നാം ബ്ലോക്കിൽ ശനിയാഴ്ചയാണ് സംഭവം. പ്രവീൺ (ഏഴാം ക്ലാസ് വിദ്യാർഥി), രവി (ഒമ്പതാം ക്ലാസ് വിദ്യാർഥി) എന്നിവരെയാണ് കാണാതായത്. ഇരുവരെയും കാണാതായതായി രക്ഷിതാക്കൾ പോലീസിൽ പരാതി നൽകിയിരുന്നു. എന്നാൽ ഇതുവരെ ഇവരെ കണ്ടെത്താനായിട്ടില്ലെന്ന് പോലീസ് പറഞ്ഞു.

കഴിഞ്ഞ ദിവസം സ്കൂൾ വിട്ടുവന്ന ഇരുവരും രവിയുടെ വീട്ടുമുറ്റത്താണ് കളിച്ചിരുന്നത്. ഇതിനിടെ പുറത്തേക്ക് പോയ കുട്ടികൾ പിന്നീട് വീട്ടിൽ തിരിച്ചെത്തിയിട്ടില്ല. ഇരുവരും സമീപത്തെ ബസ് സ്റ്റോപ്പിലേക്ക് നടന്നുപോകുന്നതിന്റെ സിസിടിവി ദൃശ്യങ്ങൾ പോലീസിന് ലഭിച്ചിട്ടുണ്ട്. കുട്ടികളെ കണ്ടെത്താൻ അന്വേഷണം ഊർജിതമാക്കിയതായി പോലീസ് പറഞ്ഞു.

TAGS: BENGALURU | MISSING
SUMMARY: Two boys missing from home in Bengaluru