ബെംഗളൂരു: പൂനെ – ബെംഗളൂരു റൂട്ടിലെ യാത്ര ഉടൻ ഏഴുമണിക്കൂറായി കുറയും. ഇരുനഗരങ്ങളെയും ബന്ധിപ്പിച്ചുള്ള അതിവേഗപാതയുടെ നിർമാണം പുരോഗമിക്കുകയാണ്. നിലവിൽ പൂനെയ്ക്കും ബെംഗളൂരുവിനും ഇടയിലുള്ള റോഡ് യാത്രാ സമയം ഏകദേശം 15 മണിക്കൂറിനടുത്താണ് 850 കിലോമീറ്ററാണ് ദൂരം. എന്നാൽ പൂനെ- ബെംഗളൂരു എക്സ്പ്രസ് വേ വരുന്നതോടെ ഇരുനഗരങ്ങൾക്കും ഇടയുള്ള യാത്രാ സമയം 7 മണിക്കൂറായി ചുരുങ്ങും.
മണിക്കൂറിൽ 120 കിലോമീറ്റർ വേഗതയിൽ പോകാൻ സാധിക്കുന്ന വിധത്തിലുള്ള പാതയുടെ നിർമ്മാണ ചെലവ് പ്രതീക്ഷിക്കുന്നത് 50,000 കോടി രൂപയാണ്. ഭാരത്മാല പരിയോജന പദ്ധതിയുടെ രണ്ടാം ഘട്ടത്തിൽ നിർമ്മിക്കുന്ന പൂനെ- ബെംഗളൂരു എക്സ്പ്രസ് വേ ആറുവരി പാതയാണ്. കൂടാതെ പൂനെയിലെ പൂനെ-മുംബൈ എക്സ്പ്രസ് വേയുമായി ഇത് ബന്ധിപ്പിക്കും. ഇതോടെ ബെംഗളൂരുവിൽ നിന്ന് മുംബൈയിലേക്കുള്ള യാത്രയും എളുപ്പമാകും. മഹാരാഷ്ട്രയിലെയും കർണാടകയിലെയും 12 ജില്ലകളിലൂടെ പൂനെ- ബെംഗളൂരു എക്സ്പ്രസ് വേ കടന്നുപോകും. ഇതിൽ മൂന്നെണ്ണം മഹാരാഷ്ട്രയിലേയും ഒൻപതെണ്ണം കർണാടകയിലെയും ജില്ലകളാണ്. 2028ൽ അതിവേഗ പാതയുടെ നിർമ്മാണം പൂർത്തിയാകും.
TAGS: BENGALURU
SUMMARY: Pune-Bengaluru Expressway To Slash Travel Time To Just 7 Hours
