ബെംഗളൂരു: ട്രാവലർ വാനും ടിപ്പർ ലോറിയും കൂട്ടിയിടിച്ചുണ്ടായ അപകടത്തിൽ മൂന്ന് പേർ മരിച്ചു. ചിത്രദുർഗ ചല്ലക്കരെ താലൂക്കിലെ ഹെഗ്ഗരെയ്ക്ക് സമീപം ശനിയാഴ്ച രാവിലെയാണ് അപകടമുണ്ടായത്. അപകടത്തിൽ അഞ്ച് പേർക്ക് പരുക്കേറ്റു. തിമ്മന്നനഹള്ളിയിലെ ശങ്കരിഭായി (65), കുമാർ നായക് (46), ശ്വേത (38) എന്നിവരാണ് മരിച്ചത്.
മൂവരും ട്രാവലർ വാനിൽ ചല്ലക്കരെയിലേക്ക് പോകുകയായിരുന്നു. ഇതിനിടെ എതിർദിശയിൽ നിന്നും അമിതവേഗത്തിൽ എത്തിയ ടിപ്പർ ലോറി വാഹനത്തിലേക്ക് ഇടിച്ചുകയറുകയായിരുന്നു. പരുക്കേറ്റ അഞ്ച് പേരെയും സമീപത്തെ ആശുപത്രിയിൽ പ്രവേശിപ്പിച്ചു. സംഭവത്തിൽ ചല്ലക്കരെ പോലീസ് കേസെടുത്തു.
TAGS: KARNATAKA | ACCIDENT
SUMMARY: Three dead, five injured as passengers van, tipper truck collide near Challakere
