ബെംഗളൂരു: കാർ ഡിവൈഡറിൽ ഇടിച്ചുണ്ടായ അപകടത്തിൽ മൂന്ന് പേർ മരിച്ചു. ഹുബ്ബള്ളിയിലെ നൂൽവി ക്രോസിൽ ഞായറാഴ്ചയാണ് അപകടമുണ്ടായത്. റെനോ ക്വിഡ് കാർ റോഡിന്റെ ഡിവൈഡറിൽ ഇടിച്ചുകയറിയായിരുന്നു അപകടം സംഭവിച്ചത്. കാറിലുണ്ടായിരുന്ന മൂന്ന് സ്ത്രീകൾ സംഭവസ്ഥലത്ത് തന്നെ മരിച്ചു. വരൂർ ഗ്രാമത്തിൽ നിന്ന് ഹുബ്ബള്ളിയിലേക്ക് പോകുകയായിരുന്ന കാർ ആണ് നിയന്ത്രണം നഷ്ടപ്പെട്ട് ഡിവൈഡറിൽ ഇടിച്ചത്.
ഇടിയുടെ ആഘാതത്തിൽ യാത്രക്കാർ പുറത്തേക്ക് തെറിച്ചുവീണു. ഹുബ്ബള്ളിയിലെ ലിംഗരാജ് നഗർ നിവാസികളാണ് മരിച്ചവർ. അപകടത്തിൽ രണ്ട് പേർക്ക് പരുക്കേറ്റു. ഇവരെ ഹുബ്ബള്ളിയിലെ കിംസ് ആശുപത്രിയിലേക്ക് മാറ്റി. അപകടത്തിൽ കാറിന്റെ മുൻവശം പൂർണമായും തകർന്നു. സംഭവത്തിൽ ഹുബ്ബള്ളി റൂറൽ പോലീസ് കേസെടുത്തു.
TAGS: ACCIDENT | KARNATAKA
SUMMARY: Three women dead, two injured after car crashes into road divider in Hubballi
