ബെംഗളൂരു: രേണുകസ്വാമി കൊലക്കേസിലെ പ്രധാന സാക്ഷിക്കൊപ്പം തീയേറ്ററിൽ എത്തി സിനിമ കണ്ട് പ്രതി ദർശൻ തോഗുദീപ. ജാമ്യത്തില് പുറത്തിറങ്ങിയ പ്രതിക്ക് താന് ഉള്പ്പെട്ട കേസിലെ സാക്ഷിയെ കാണാന് അവകാശമില്ല എന്ന കോടതി നടപടി കാറ്റില് പറത്തിയാണ് നടന്റെ നീക്കം. അതിനാല് നടനെതിരെ പോലീസ് വീണ്ടും നടപടി എടുത്തേക്കും. ധന്വീര് ഗൗഡ അഭിനയിച്ച വാമന എന്ന സിനിമ കാണാനായാണ് ദര്ശന് എത്തിയത്. കോടതി നടപടികൾക്ക് ഹാജരാകാതെയാണ് ദർശൻ സിനിമ കാണാനെത്തിയത്.
കേസിലെ മുഖ്യ സാക്ഷിക്കൊപ്പമാണ് നടന് തീയേറ്ററിലെത്തിയത്. ബെംഗളൂരുവിലെ പ്രമുഖ മാളില് സിനിമ കാണാനായി എത്തിയ നടനെ ആരാധകര് മുദ്രാവാക്യം വിളിച്ചു സ്വീകരിച്ചിരുന്നു. കഴിഞ്ഞ ദിവസം രാത്രി 8 മണിയോടെ മാളിലെത്തിയ നടന് മൂന്ന് മണിക്കൂറോളം തിയേറ്ററില് ഉണ്ടായിരുന്നു. അതേസമയം, ഒക്ടോബറില് ആയിരുന്നു ദര്ശന് കര്ണാടക ഹൈക്കോടതി ജാമ്യം അനുവദിച്ചത്. നട്ടെല്ല് ശസ്ത്രക്രിയയ്ക്ക് വിധേയനാകണമെന്ന ആവശ്യം ഉന്നയിച്ചായിരുന്നു ദര്ശന് കോടതിയില് ജാമ്യം തേടിയിരുന്നത്. രണ്ട് കാലുകളിലും മരവിപ്പ് അനുഭവപ്പെടുന്നുണ്ടെന്ന് സൂചിപ്പിക്കുന്ന മെഡിക്കല് റിപ്പോര്ട്ടുകള് അദ്ദേഹത്തിന്റെ അഭിഭാഷകർ ഹാജരാക്കിയിരുന്നു.
TAGS: KARNATAKA | DARSHAN THOGUDEEPA
SUMMARY: Actor Darshan Attends Film Event, Skips Renuka Swamy Murder Trial Over ‘Back Pain
