ലഖ്‌നൗവിലെ ലോക്ബന്ധു ആശുപത്രിയിൽ വൻ തീപിടിത്തം. തിങ്കളാഴ്ച രാത്രിയോടെയാണ് തീപിടുത്തമുണ്ടായത്. 200ഓളം രോഗികളാണ് ഈ സമയം ആശുപത്രിയിൽ പ്രവേശിപ്പിച്ചിരുന്നത്. അവരെ അടിയന്തരമായി രക്ഷപ്പെടുത്തി അടുത്തുള്ള ആശുപത്രികളിലേക്ക് മാറ്റി. നിലവിൽ തീ നിയന്ത്രണവിധേയമാക്കിയിട്ടുണ്ട്.
ലോക്ബന്ധു ആശുപത്രിയിൽ തീപിടുത്തമുണ്ടായതായി വിവരം ലഭിച്ചയുടനെ അഗ്നിശമന സേനയുടെ ഒരു സംഘത്തെ സ്ഥലത്തേക്ക് അയച്ചതായി ലഖ്‌നൗ ഡിഎം വിശാഖ് ജി അയ്യർ പറഞ്ഞു. ഐ.സി.യു, ഒരു വനിതാ വാർഡ്, മറ്റൊരു വാർഡ് എന്നിവിടങ്ങളിലാണ് തീപിടുത്തം ബാധിച്ചത്. ഈ വാർഡുകളിൽ നിന്ന് എല്ലാ രോഗികളെയും രക്ഷപ്പെടുത്തി. രോഗികളെ 3 ആശുപത്രികളിലേക്ക് റഫർ ചെയ്തിട്ടുണ്ട്. തീവ്രപരിചരണ വിഭാഗത്തിലുള്ള രോഗികളെയടക്കം ആശുപത്രിയിൽ നിന്ന് മാറ്റിയിട്ടുണ്ട്. തീപിടിത്തത്തിന്റെ കാരണം വ്യക്തമല്ല.
<BR>
TAGS : FIRE BREAKS OUTS | UTTAR PRADESH
SUMMARY : A massive fire breaks out at a hospital in Lucknow; About 200 patients were evacuated
