ബെംഗളൂരു: മലയാളി കൂട്ടായ്മയായ സോക്കർ ചങ്ക്‌സിന്റെ നേതൃത്വത്തിൽ സംഘടിപ്പിച്ച ‘ത്രിവേണി ഓണം, കേരളപ്പിറവി, കന്നഡ രാജ്യോത്സവ ആഘോഷം ഇന്ദിരനഗർ ഇസിഎ ക്ലബ്ബിൽ വെച്ചു നടന്നു. ബെംഗളൂരു ഡെവലപ്മെന്റ് അതോറിറ്റി ചെയർമാനും ശാന്തിനഗർ എംഎൽഎയും എഐഎഫ്എഫ് മുൻ സെക്രട്ടറിയുമായ എൻ. എ. ഹാരിസ് പരിപാടി ഉദ്ഘാടനം ചെയ്തു.
ചലച്ചിത്ര നിർമ്മാതാവും സംവിധായകനുമായ ഡോ. എം.കെ. സോമൻ, ഐ.എ.എസ്. ഉദ്യോഗസ്ഥൻ രൺദീപ്, മുൻ കോർപ്പറേറ്റ് മേയർ മഞ്ജുനാഥ്, അഡ്വ. രാജേഷ് എന്നിവർ ചടങ്ങിൽ വിശിഷ്ടാതിഥികളായി. തുടർന്ന് വിവിധ കലാപരിപാടികൾ അരങ്ങേറി. ച്ചയ്ക്ക് വിഭവ സമൃദ്ധമായ ഓണസദ്യയും ഉണ്ടായിരുന്നു. രുദ്ര ആലപ്പുഴയുടെ ശിങ്കാരി മേളവും, മില്ലെനിയം ഓർക്കേസ്ട്രയുടെ ഗാനമേളയും പരിപാടിക്ക് മാറ്റു കൂട്ടി. 500-ൽ പരം കുടുംബങ്ങൾ പരിപാടിയിൽ പങ്കെടുത്തു.
SUMMARY: Soccer Chunks organized celebrations for Onam, Keralapiravi, and Kannada Rajyotsava.
