ബെംഗളൂരു: കേരളപ്പിറവി, കന്നഡ രാജ്യോത്സവം, ഓണം എന്നീ മൂന്ന് ആഘോഷങ്ങളും സമന്വയിപ്പിച്ച് സൗത്ത് ബാംഗ്ലൂർ മലയാളി അസോസിയേഷൻ (എസ്.ബി.എം.എ.) സംഘടിപ്പിച്ച പതിനേഴാമത് വാർഷികാഘോഷമായ ഓണവില്ല് 2026 ബന്നാർഘട്ട റോഡിലെ ടി. ജോൺ കോളേജ് ഓഡിറ്റോറിയത്തിൽ നടന്നു. അസോസിയേഷനിലെ രണ്ടായിരത്തോളം കുടുംബങ്ങൾ പങ്കെടുത്ത ആഘോഷം കേരളത്തിന്റെയും കർണാടകത്തിന്റെയും സാംസ്‌കാരിക പൈതൃകത്തിന്റെയും സാഹോദര്യത്തിന്റെയും സംഗമവേദിയായി.
അസോസിയേഷൻ പ്രസിഡന്റ് അലക്സ് ജോസഫിന്റെ അധ്യക്ഷതയിൽ നടന്ന പൊതുസമ്മേളനത്തിൽ ചലച്ചിത്രതാരവും പാലക്കാട് എം.എൽ.എയുമായ രമേഷ് പിഷാരടി വിശിഷ്ടാതിഥിയായി പങ്കെടുത്തു.
ചടങ്ങിൽ വിനോദ് കുമാർ, ടോംസ് മാത്യു, നീനു നായർ, ജോസ് ആഗസ്റ്റിൻ, ഷാജി പി.എസ്., അരുൺ നമ്പ്യാർ, ജോർജ്കുട്ടി കെ.പി., സത്യൻ പുത്തൂർ, ആനന്ദ് മല്ലിഗെ, മനോഹരൻ ആർ. തുടങ്ങിയവർ സംസാരിച്ചു. പ്രവീൺ, അജീഷ്, നിധിൻ, അനിൽ, ഗിരിജ, കാവ്യ കുറുപ്പ്, ജയലക്ഷ്മി, നവീന, പ്രിയ, അനു ടോംസ്, നകുൽ, അഞ്ജന എന്നിവർ ആഘോഷപരിപാടികൾക്ക് നേതൃത്വം നൽകി.
SUMMARY: ‘Onavillu 2026’ celebrates Keralapiravi, Karnataka Rajyotsava, and Onam.
