സ്കൂട്ടറിന് മുകളിൽ മരക്കൊമ്പ് വീണ് പതിനഞ്ചുകാരൻ മരിച്ചു

ബെംഗളൂരു: സ്കൂട്ടറിന് മുകളിൽ മരക്കൊമ്പ് വീണ് പതിനഞ്ചുകാരൻ മരിച്ചു. ദേവനഹള്ളിയിലെ വിജയപുരയിലാണ് സംഭവം. അച്ഛനൊപ്പം സ്കൂട്ടിയിൽ സഞ്ചരിക്കുകയായിരുന്ന വരുൺ ആണ് മരിച്ചത്. നെയ്ത്തുകാരനായ പിതാവ് മുരളീധറിനു അപകടത്തിൽ ഗുരുതര പരുക്കേറ്റു.

നാട്ടുകാർ ചേർന്ന് ഇയാളെ സമീപത്തെ ആശുപത്രിയിൽ പ്രവേശിപ്പിച്ചു. മുരളിയുടെ നില അതീവഗുരുതരമാണെന്ന് പോലീസ് പറഞ്ഞു. കഴിഞ്ഞ ദിവസം ഉച്ചകഴിഞ്ഞാണ് അപകടമുണ്ടായത്. ഇരുവരും ബന്ധുവീട്ടിൽ പോയി തിരിച്ചുവരുമ്പോഴായിരുന്നു സംഭവം. മരക്കൊമ്പ് ഇവർ സഞ്ചരിച്ച സ്കൂട്ടിയിലേക്ക് വീഴുകയായിരുന്നു. സ്കൂട്ടിയിൽ നിന്ന് റോഡിലേക്ക് തെറിച്ചുവീണ വരുൺ സംഭവസ്ഥലത്ത് തന്നെ മരിച്ചു. സംഭവത്തിൽ ദേവനഹള്ളി പോലീസ് കേസെടുത്തു.

TAGS: KARNATAKA | ACCIDENT
SUMMARY: Bengaluru teen dies after tree branch falls on scooter in Devanahalli