കോഴിക്കോട്: ലോഡ്ജില്‍ യുവാവിനെ വെട്ടേറ്റ് കൊല്ലപ്പെട്ട നിലയില്‍ കണ്ടെത്തി. ഹാർബർ റോഡ് ജംഗ്ഷനിലെ ലോഡ്ജിലാണ് സംഭവം. കൊല്ലം സ്വദേശിയും മത്സ്യബന്ധന തൊഴിലാളിയുമായ സോളമനാണ് കൊല്ലപ്പെട്ടത്. നാല് പേരാണ് മുറിയിലുണ്ടായിരുന്നത്. അനീഷ് എന്ന ആളാണ് മുറിയെടുത്തത്. ഇയാള്‍ നാട്ടിലേക്ക് പോയിരുന്നു.
ഈ മുറിയില്‍ ഇയാളോടൊപ്പം നാല് പേരാണ് ഉണ്ടായിരുന്നത്. ഇന്നലെയാണ് കൊല്ലപ്പെട്ട സോളമൻ ഇവിടേക്കുവന്നത്. രാവിലെ ലോഡ്ജ് ജീവനക്കാർ വൃത്തിയാക്കുന്നതിനിടെയാണ് മുറിയുടെ മുന്നിലായി രക്തം കണ്ടു. തുടർന്ന് പോലീസിനെ വിവരമറിയിക്കുകയായിരുന്നു.
പോലീസ് എത്തി മുറി പൊളിച്ച്‌ അകത്തുകയറിയപ്പോഴാണ് കഴുത്തില്‍ മുറിവേറ്റ് രക്തം വാർന്ന നിലയില്‍ സോളമെനെ കണ്ടെത്തുന്നത്. മുറിയിലുണ്ടായിരുന്ന നാല് പേരുമായുള്ള തർക്കമാണ് ആക്രമണത്തില്‍ കലാശിച്ചതെന്നാണ് പ്രാഥമിക നിഗമനം. ഒളിവില്‍ പോയ നാല് പേർക്കായി അന്വേഷണം ആരംഭിച്ചിട്ടുണ്ട്.
TAGS : CRIME
SUMMARY : Youth hacked to death at Kozhikode lodge
