ബെംഗളൂരു: പശ്ചിമഘട്ട പ്രദേശത്തെ സക്ലേഷ്പുരയ്ക്ക് സമീപമുള്ള യാദകുമാരിക്കും കഡഗരവല്ലിക്കും ഇടയിൽ വെള്ളിയാഴ്ച വൈകിട്ട് 6.56 ന് ഉണ്ടായ ഉരുൾപൊട്ടലിനെത്തുടർന്ന് കാർവാർ-മംഗളൂരു, ബെംഗളൂരു റൂട്ടിലെ ട്രെയിൻ സർവീസ് ഭാഗികമായി തടസപ്പെട്ടു. ട്രെയിൻ നമ്പർ 06568 കാർവാർ-എസ്എംവിടി ബെംഗളൂരു സ്പെഷ്യൽ എക്സ്പ്രസ് റദ്ദാക്കിയതായും മറ്റ് ഏഴ് ട്രെയിനുകൾ വഴിതിരിച്ചുവിട്ടതായും സൗത്ത് വെസ്റ്റേൺ റെയിൽവേ അറിയിച്ചു.
ട്രെയിൻ നമ്പർ 16595 കെഎസ്ആർ ബെംഗളൂരു – കാർവാർ പഞ്ചഗംഗ സൂപ്പർ ഫാസ്റ്റ് എക്സ്പ്രസ് യശ്വന്ത്പുർ, ബാനസ്വാഡി, ജോലാർപേട്ട കാബിൻ, സേലം, പോഡനൂർ, ഷൊർണൂർ, മംഗളൂരു ജംഗ്ഷൻ, സൂറത്ത്കൽ വഴി തിരിച്ചുവിട്ടു.
ട്രെയിൻ നമ്പർ 07378 മംഗളൂരു സെൻട്രൽ – വിജയപുര സ്പെഷ്യൽ എക്സ്പ്രസ് പാഡിൽ, സൂറത്ത്കൽ, കാർവാർ, മഡ്ഗോവൻ, കുലേം, കാസിൽ റോക്ക്, ലോണ്ട, എസ്എസ്എസ് ഹുബ്ബള്ളി വഴി തിരിച്ചുവിട്ടു. ട്രെയിൻ നമ്പർ 16586 മുരുദേശ്വര് – എസ്എംവിടി ബെംഗളൂരു എക്സ്പ്രസ് മംഗളൂരു ജംഗ്ഷൻ, ഷൊർണൂർ, സേലം, ജോലാർപേട്ട കാബിൻ വഴി തിരിച്ചുവിട്ടു.
ട്രെയിൻ നമ്പർ 16512 കണ്ണൂർ-കെഎസ്ആർ ബെംഗളൂരു എക്സ്പ്രസ് മംഗളൂരു സെൻട്രൽ, ഷൊർണൂർ, സേലം, ജോലാർപേട്ട വഴി തിരിച്ചുവിട്ടു. ട്രെയിൻ നമ്പർ 16596 കാർവാർ-കെഎസ്ആർ ബെംഗളൂരു പഞ്ചഗംഗ സൂപ്പർ ഫാസ്റ്റ് എക്സ്പ്രസ് മംഗളൂരു ജംഗ്ഷൻ, ഷൊർണൂർ, സേലം, ജോലാർപേട്ട കാബിൻ വഴി തിരിച്ചുവിട്ടു.
ട്രെയിൻ നമ്പർ 16511 കെഎസ്ആർ ബെംഗളൂരു-കണ്ണൂർ എക്സ്പ്രസ് ജോലാർപേട്ട കാബിൻ, സേലം, ഷൊർണൂർ, മംഗളൂരു ജംഗ്ഷൻ വഴി തിരിച്ചുവിട്ടു. ട്രെയിൻ നമ്പർ 16585 എസ്എംവിടി ബെംഗളൂരു-മുരുദേശ്വര് എക്സ്പ്രസ് കെഎസ്ആർ ബെംഗളൂരു, ജോലാർപേട്ട കാബിൻ, ഷൊർണൂർ, മംഗളൂരു ജംഗ്ഷൻ വഴി തിരിച്ചുവിട്ടു. പശ്ചിമ ഘട്ട മേഖലയിൽ കഴിഞ്ഞ കുറച്ച് ദിവസങ്ങളായി കനത്ത മഴയാണ് പെയ്യുന്നത്.
TAGS: KARNATAKA | TRAIN
SUMMARY: Train services between Karwar-Mangaluru and Bengaluru hit by landslip at Western Ghats section
