ബെംഗളൂരു: മയക്കുമരുന്ന് വിൽപന നടത്തിയതുമായി ബന്ധപ്പെട്ട് മംഗളൂരുവിൽ രണ്ട് പേർ പിടിയിൽ. കാസർകോട് മഞ്ചേശ്വരം സ്വദേശികളായ അബ്ദുൽ സലാം എന്ന സലാം (30), സൂരജ് റായ് എന്ന അങ്കി (26) എന്നിവരെയാണ് സിറ്റി സിസിബി പോലീസ് അറസ്റ്റ് ചെയ്തത്. പ്രതികളിൽ നിന്നും 75,000 രൂപ വിലവരുന്ന 15 ഗ്രാം എംഡിഎംഎ, രണ്ട് മൊബൈൽ ഫോണുകൾ, ഡിജിറ്റൽ വെയ്റ്റിംഗ് സ്കെയിൽ, ഒരു ഡിയോ സ്കൂട്ടർ എന്നിവയും 1.65 ലക്ഷം രൂപയും പിടിച്ചെടുത്തു.
രഹസ്യ വിവരത്തെ തുടർന്ന് ജില്ലയിലെ വാടകവീട് കേന്ദ്രീകരിച്ച് നടന്ന റെയ്ഡിലാണ് പ്രതികൾ പിടിയിലായത്. തലപ്പാടിയിലെ സ്കൂൾ, കോളേജ് വിദ്യാർഥികൾക്കും, ഐടി ജീവനക്കാർക്കുമാണ് ഇവർ മയക്കുമരുന്ന് വിൽപന നടത്തിയിരുന്നത്. സംഭവത്തിൽ ഉള്ളാൽ പോലീസ് സ്‌റ്റേഷനിൽ കേസ് രജിസ്റ്റർ ചെയ്തിട്ടുണ്ട്.
TAGS: KARNATAKA | ARREST
SUMMARY: Mangaluru: Two arrested for drug trafficking
