ബെംഗളൂരു : മലബാർ മുസ്‌ലിം അസോസിയേഷൻ ആസാദ് നഗർ ബ്രാഞ്ച് കമ്മിറ്റി സംഘടിപ്പിച്ച മീലാദ് സംഗമത്തിൽ ആഷിഖ് ദാരിമി ആലപ്പുഴ മുഖ്യപ്രഭാഷണം നടത്തി. ആസാദ് നഗർ എം.എം.എ. ഹിദായത്തുൽ ഇസ്‌ലാം മദ്രസ വിദ്യാർഥികളുടെ കലാമത്സര പരിപാടികളും നടന്നു. എം.എം എ നടത്തിവന്ന ഒരു മാസം നീണ്ടുനിന്ന മീലാദു ഫെസ്റ്റുകൾ ഈ സംഗമത്തോടെ സമാപിച്ചു.
മൈസൂരു റോഡ് കർണാടക മലബാർ സെന്ററിലെ എം.എം.എ. ഓഡിറ്റോറിയത്തിൽ നടന്ന സമാപന സമ്മേളനം ജനറൽ സെക്രട്ടറി ടി.സി. സിറാജ് ഉദ്ഘാടനം ചെയ്തു. ആസാദ് നഗർ ബ്രാഞ്ച് കമ്മിറ്റി പ്രസിഡന്റ് മുഹമ്മദ് ഹനീഫ് അധ്യക്ഷത വഹിച്ചു. ചാമരാജ് പേട്ട് എസ്.ഐ. ആരിഫ്, അഡ്വ. സയിദ് എന്നിവർ വിശിഷ്ടാതിഥികളായി. പി.എം. അബ്ദുൾ ലത്തീഫ്ഹാജി, ഷംസുദ്ദീൻ കൂടാളി, അബ്ദുറഹ്മാൻ ഹാജി, എ.ബി. ബഷീർ, അലിക്കോയ, ഹമീദ്, സാജിദ്, അഷ്‌റഫ് തുടങ്ങിയവർ സംസാരിച്ചു.
<BR>
TAGS : MALABAR MUSLIM ASSOCIATION
