ബെംഗളൂരു: ഫെംഗൽ ചുഴലിക്കാറ്റ് തീരം തൊട്ട പശ്ചാത്തലത്തിൽ അടുത്ത രണ്ട് ദിവസത്തേക്ക് ബെംഗളൂരുവിൽ അതിശക്തമായ മഴ ലഭിക്കുമെന്ന് മുന്നറിയിപ്പ് നൽകി കാലാവസ്ഥ നിരീക്ഷണ കേന്ദ്രം (ഐഎംഡി). നഗരത്തിലെ വിവിധ പ്രദേശങ്ങളിൽ ഒറ്റപ്പെട്ട ശക്തമായ മഴയ്ക്കാണ് സാധ്യത. ചിലയിടങ്ങളിൽ 100 മില്ലിമീറ്ററിൽ കൂടുതൽ മഴ ലഭിച്ചേക്കുമെന്നും ഐഎംഡി ഉദ്യോഗസ്ഥർ അറിയിച്ചു.
ഫെംഗൽ ചുഴലിക്കാറ്റിന്റെ പശ്ചാത്തലത്തിൽ കഴിഞ്ഞ രണ്ട് ദിവസമായി നഗരത്തിൽ മൂടിക്കെട്ടിയ അന്തരീക്ഷവും നേരിയ മഴയും അനുഭവപ്പെട്ടിരുന്നു. താപനില സാധാരണ നിലയിലും താഴെയാണ് രേഖപ്പെടുത്തിയത്. ശനിയാഴ്ച രാവിലെ ബെംഗളൂരുവിൽ പരമാവധി താപനില 22.6 ഡിഗ്രി സെൽഷ്യസും ഞായറാഴ്ച രാവിലെ കുറഞ്ഞത് 19.5 ഡിഗ്രി സെൽഷ്യസുമാണ് രേഖപ്പെടുത്തിയത്. ബെംഗളൂരുവിലെ കുറഞ്ഞ താപനില വരും ദിവസങ്ങളിൽ 17 മുതൽ 18 ഡിഗ്രി സെൽഷ്യസ് വരെയാകുമെന്നും ഐഎംഡി ഉദ്യോഗസ്ഥർ പറഞ്ഞു.
TAGS: FENGAL CYCLONE
SUMMARY: Orange alert declared in Bengaluru amid FENGAL cyvlone
