ബെംഗളൂരു: പത്മശ്രീ ജേതാവ് തുളസി ഗൗഡ (86) അന്തരിച്ചു. വാര്ധക്യ സഹജമായ അസുഖങ്ങളേത്തുടര്ന്ന് തിങ്കളാഴ്ച വൈകീട്ടായിരുന്നു അന്ത്യം. സംസ്ഥാനത്ത് മരങ്ങള് വച്ചുപിടിപ്പിച്ചതിലൂടെയാണ് തുളസി ഗൗഡ ശ്രദ്ധ നേടിയത്. 2021-ലാണ് തുളസി ഗൗഡയെ രാജ്യം പത്മശ്രീ നല്കി ആദരിച്ചത്. തുളസി ഗൗഡയുടെ നിര്യാണത്തില് നിരവധി പ്രമുഖര് അനുശോചനം അറിയിച്ചു.
ആറ് പതിറ്റാണ്ടിലേറെക്കാലം പരിസ്ഥിതി സംരക്ഷണത്തിനായി നിരവധി സംഭാവനകള് നല്കിയ വ്യക്തിയാണ് തുളസി ഗൗഡ. നാല്പതിനായിരത്തിലധികം വൃക്ഷത്തൈകള് തുളസി നട്ടുവളര്ത്തി. ഉത്തര കന്നഡയിലെ ഹൊന്നല്ലി സ്വദേശിനിയാണ്. 1944-ല് ഹൊന്നല്ലി ഗ്രാമത്തില് നാരായണ്-നീലി ദമ്പതികളുടെ മകളായാണ് ജനനം. പക്ഷാഘാതത്തെ തുടര്ന്ന് കഴിഞ്ഞ കുറെമാസങ്ങളായി കിടപ്പിലായിരുന്നു. സംസ്കാരം അങ്കോളയിൽ നടക്കും.
TAGS: BENGALURU | TULASI GOWDA
SUMMARY: Padmashri tulasi gowda passes away
WhatsApp
Telegram
