ആരിഫ് മുഹമ്മദ് ഖാന് നാളെ രാജ്ഭവൻ യാത്രയയപ്പ് നൽകും; രാജേന്ദ്ര അര്‍ലേകര്‍ ജനുവരി രണ്ടിന് പുതിയ ഗവര്‍ണറായി ചുമതലയേല്‍ക്കും

തിരുവനന്തപുരം: കേരളത്തിന്റെ പുതിയ ഗവര്‍ണറായി രാജേന്ദ്ര വിശ്വനാഥ് അര്‍ലേകര്‍ ജനുവരി രണ്ടിന് ചുമതലയേല്‍ക്കും. നിലവിലെ ഗവര്‍ണര്‍ ആരിഫ് മുഹമ്മദ് ഖാന് നാളെ രാജ്ഭവന്‍ ജീവനക്കാര്‍ യാത്രയയപ്പു നല്‍കും. ജനുവരി രണ്ടിന് ആരിഫ് മുഹമ്മദ് ഖാന്‍ ബിഹാര്‍ ഗവര്‍ണറായി സ്ഥാനമേല്‍ക്കും.

നാളെ വൈകിട്ട് 4.30 ന് രാജ് ഭവനിലാണ് ആരിഫ് മുഹമ്മദ് ഖാന് യാത്രയയപ്പ് സംഘടിപ്പിച്ചിരിക്കുന്നത്. ഞായറാഴ്ച ആരിഫ് മുഹമ്മദ് ഖാൻ കേരളത്തിൽ നിന്ന് മടങ്ങും. ഞായറാഴ്ച ഉച്ചക്ക് 12 മണിക്ക് കൊച്ചി വഴിയാണ് മടക്കം.

കേരള ഗവ‍ർണറായി ആരിഫ് മുഹമ്മദ് ഖാൻ 2024 സെപ്റ്റംബർ 5നാണ് 5 കൊല്ലം പൂ‍ർത്തിയാക്കിയത്. സംഭവ ബഹുലമായ 5 വർഷത്തിന് ശേഷമാണ് ആരിഫ് മുഹമ്മദ് ഖാൻ കേരളം വിടുന്നത്. ഗോവ സ്വദേശിയായ രാജേന്ദ്ര വിശ്വനാഥ് ആർലെകർ നേരത്തെ ഹിമാചൽ പ്രദേശ് ഗവർണറായും ഗോവയിൽ വനം–പരിസ്ഥിതി മന്ത്രിയായും സേവനമനുഷ്ഠിച്ചിട്ടുണ്ട്.
<BR>
TAGS : GOVERNOR
SUMMARY : Arif Mohammad Khan will be sent off by Raj Bhavan tomorrow; Rajendra Arlekar will take charge as the new Governor on January 2