ബെംഗളൂരു: പുതുവത്സരാഘോഷങ്ങളുടെ ഭാഗമായി നഗരത്തിൽ കർശന മാർഗനിർദേശങ്ങൾ പുറത്തിറക്കി ബെംഗളൂരു സിറ്റി പോലീസ്. മുഖം തിരച്ചറിയാൻ കഴിയാത്തവിധത്തിലുള്ള മാസ്കിനും വിസിൽ ഉപയോഗിക്കുന്നതിനും നഗരത്തിൽ വിലക്കേർപ്പെടുത്തിയിട്ടുണ്ട്.
കുട്ടികൾക്കും കുടുംബങ്ങൾക്കും ആരോചകരമാകുന്ന തരത്തിലുള്ള വിസിലുകളാണ് ചില യുവാക്കൾ ഉപയോഗിക്കുന്നത്. ഇക്കാരണത്താലാണ് നടപടിയെന്ന് ബെംഗളൂരു പോലീസ് കമ്മീഷണർ ബി. ദയാനന്ദ പറഞ്ഞു. കുട്ടികളെയും സ്ത്രീകളെയും ശല്യം ചെയ്യാനായി ചിലർ മുഖം തിരിച്ചറിയാനാകാത്ത മാസ്ക് ഉപയോഗിക്കുന്നതായും ശ്രദ്ധയിൽപ്പെട്ടിട്ടുണ്ടെന്നും അധികൃതർ പറയുന്നു.
എന്നാൽ സർജിക്കൽ മാസ്ക് ഉപയോഗിക്കുന്നതിന് വിലക്കില്ല. എട്ടു ലക്ഷത്തോളം പേർ പുതുവത്സര ആഘോഷങ്ങൾക്കായി ബെംഗളൂരു നഗരവീഥികളിൽ എത്തുമെന്നാണ് പ്രതീക്ഷിക്കുന്നത്. ജനക്കൂട്ടത്തെ നിരീക്ഷിക്കാനായി 10,000 കാമറകളും സജ്ജീകരിച്ചിട്ടുണ്ട്. കൂടാതെ 11,000 പോലീസ് ഉദ്യോഗസ്ഥരെയും നഗരത്തിലുടനീളം വിന്യസിച്ചിട്ടുണ്ട്.
TAGS: BENGALURU | NEW YEAR
SUMMARY: Bengaluru police strictens curb amid new year in city
