ആലപ്പുഴ: ആവേശവും ആവർത്തിക്കാനാവാത്ത ആവേശക്കാഴ്ചകളും നിറഞ്ഞ നെഹ്റു ട്രോഫി വള്ളംകളി 2026-ല്‍ അരോമ ചുണ്ടൻ ജലരാജാവായി. പുന്നമടക്കായലിന്റെ തിരമാലകളെ കീഴടക്കി തുഴഞ്ഞ അരോമ ചുണ്ടൻ, വാശിയേറിയ മത്സരത്തില്‍ എതിരാളികളെ പിന്നിലാക്കി കിരീടം സ്വന്തമാക്കി. നടുഭാഗം രണ്ടാംസ്ഥാനവും , വീയപുരം മൂന്നാംസ്ഥാനവും , മേല്‍പാടം നാലാം സ്ഥാനവും സീന്തമാക്കി.
ആയിരക്കണക്കിന് കാണികളുടെ ആരവത്തിനിടയില്‍ നടന്ന ഫൈനല്‍ പോരാട്ടം തുടക്കം മുതല്‍ തന്നെ ആവേശകരമായിരുന്നു. ശക്തമായ തുഴച്ചിലും മികച്ച താളപ്പൊരുത്തവും അരോമ ചുണ്ടന്റെ വിജയത്തിന് കരുത്തായി. അവസാന ഘട്ടത്തില്‍ മത്സരം കൂടുതല്‍ കടുത്തെങ്കിലും ആത്മവിശ്വാസത്തോടെ മുന്നേറിയ അരോമ ചുണ്ടൻ വിജയവര കടന്ന് ജലരാജപട്ടം സ്വന്തമാക്കുകയായിരുന്നു.
SUMMARY: 72nd Nehru Trophy Boat Race: Aroma crowned ‘King of the Waters’ in its debut outing
