ബെംഗളൂരു : കാട്ടാന ആക്രമണത്തിൽ സഹോദരങ്ങൾക്ക് ഗുരുതരമായി പരുക്കേറ്റു. മടിക്കേരി പൊന്നംപേട്ടയിലാണ് സംഭവം. മുഹമ്മദ് ഫൈസാൻ, സഹോദരൻ അബുർ ഉവൈസ് എന്നിവരെയാണ് ഹാളിഗട്ടിൽവെച്ച് കാട്ടാന ആക്രമിച്ചത്.
വെള്ളിയാഴ്ച ഉച്ചയോടെയാണ് കാട്ടാന ഇവരെ ആക്രമിച്ചത്. ബൈക്കിൽ സഞ്ചരിക്കവേയാണ് ഇരുവരെയും കാട്ടാന ആക്രമിച്ചത്. ഗുരുതരമായി പരുക്കേറ്റ ഇവരെ മടിക്കേരി ജില്ലാ ആശുപത്രിയിൽ പ്രവേശിപ്പിച്ചു.
കാട്ടാനയെ ജനവാസമേഖലയിൽനിന്ന് തുരത്താനാവശ്യമായ നടപടി സ്വീകരിക്കണമെന്ന് വനംവകുപ്പ് അധികൃതരോട് വീരാജ്‌പേട്ട എം.എൽ.എ. എ.എസ്. പൊന്നണ്ണ ആവശ്യപ്പെട്ടു.
<BR>
TAGS : ELEPHANT ATTACK | MADIKKERI
SUMMARY : Wild elephant attack; siblings seriously injured
