തിരുവനന്തപുരം: കേരളത്തിൽ സ്വര്ണവില റെക്കോഡ് നേട്ടത്തിലേക്ക് കുതിക്കുന്നു. ഒറ്റയടിക്ക് 600 രൂപ കൂടി സ്വര്ണവില 60,000 കടന്നിരിക്കുകയാണ്. ഒരു പവൻ സ്വർണത്തിന് 60200 രൂപയാണ് ഇന്ന് നല്കേണ്ടത്. ഒരു ഗ്രാം സ്വർണത്തിന് 75 രൂപയാണ് ഇന്ന് വർധിച്ചത്. ഒരു ഗ്രാം സ്വർണത്തിന് 7525 രൂപയാണ് ഇന്നത്തെ വില. ഈ വാരത്തിന്റെ ആരംഭത്തില് പവന് 59,600 രൂപയിലാണ് വ്യാപാരം ആരംഭിച്ചത്.
അതേസമയം, 18 കാരറ്റ് സ്വര്ണം ഗ്രാമിന് 65 രൂപ വര്ധിച്ച് 6205 രൂപയിലെത്തി. വെള്ളിയുടെ വില 99 രൂപ എന്ന ഗ്രാം നിരക്ക് തുടരുകയാണ്. രാജ്യാന്തര തലത്തില് നിക്ഷേപം വര്ധിക്കുന്നതാണ് സ്വര്ണവില ഉയരാന് കാരണമെന്നാണ് സൂചന. ഡോളറിന്റെ ഉയര്ച്ചയും രൂപയുടെ തകര്ച്ചയുമാണ് ആഭ്യന്തര വിപണിയില് സ്വര്ണ വില വര്ധിക്കാനും ഇടയാക്കിയത്. രാജ്യാന്തര തലത്തിലെ സംഘര്ഷങ്ങളും സ്വര്ണ്ണവിലയെ സ്വാധീനിക്കാന് കാരണമാകുന്നു.
TAGS : GOLD RATES
SUMMARY : Gold rate is increased
WhatsApp
Telegram
