കെആർ പുരം റെയിൽപാല നിർമാണം; ബെന്നിഗനഹള്ളി കസ്തൂരിനഗർ റോഡ് അടച്ചു

ബെംഗളൂരു: കെആർ പുരത്ത് റെയിൽപാല നിർമാണം നടക്കുന്നതിനെ തുടർന്ന് ബെന്നിഗനഹള്ളി മുതൽ കസ്തൂരിനഗർ വരെ മൂന്നുമാസത്തേക്ക് വാഹന ഗതാഗതം നിരോധിച്ചു. ബെന്നിഗനഹള്ളിയെ (സദാനന്ദ നഗർ ബ്രിഡ്ജ് റോഡ്) ഓൾഡ് മദ്രാസ് റോഡുമായി ബന്ധിപ്പിക്കുന്ന കൊക്കോ കോള ഗോഡൗൺ റോഡ് വഴിയുള്ള വാഹന ഗതാഗതം പൂർണമായും നിരോധിച്ചു. കസ്തൂരിനഗറിൽ നിന്ന് ഓൾഡ് മദ്രാസ് റോഡിലേക്കുള്ള വാഹനങ്ങൾ സദാനന്ദ നഗർ വഴി എൻജിഎഫ് സിഗ്നലിലൂടെ പോകണം. ബെന്നിഗനഹള്ളി റെയിൽവേ ബ്രിഡ്ജിൽ നിന്നും കസ്തൂരി നഗറിലേക്ക് പോകുന്ന വാഹനങ്ങൾ ഹെബ്ബാൾ റിങ് റോഡ് വഴി സഞ്ചരിക്കണം. സെപ്റ്റംബർ 16 വരെയാണ് ഗതാഗത നിരോധനം ഏർപ്പെടുത്തിയത്.

SUMMARY: Construction of KR Puram railway bridge; Benniganahalli Kasthurinagar road closed