ബെംഗളൂരു: യാത്രക്കാരുടെ എണ്ണം വർധിച്ചതോടെ പുതിയ 2 ബസ് സർവീസുകളുമായി ബിഎംടിസി. എസ്എംവിടി ബയ്യപ്പനഹള്ളി റെയിൽവേ സ്റ്റേഷൻ, നായന്തഹള്ളി മെട്രോ സ്റ്റേഷൻ എന്നിവിടങ്ങളിലേക്കുള്ള ബസുകൾ തിങ്കളാഴ്ച സർവീസ് ആരംഭിക്കും.
290-എംവി നമ്പർ ബസ് യെലഹങ്ക എസ്എംവിയിൽ നിന്നു കൊഗിലു, ആർകെ ഹെഡ്ഗേ നഗർ, തന്നിസന്ദ്ര, നാഗവാര, മാരുതി സേവ നഗർ വഴി എസ്എംവിടി ബയ്യപ്പനഹള്ളി റെയിൽവേ സ്റ്റേഷനിലെത്തും. പ്രതിദിനം 10 ബസുകൾ സർവീസ് നടത്തും.
കെ-2ബി നമ്പർ ബസ് ഹെബ്ബാളിൽ നിന്ന് നാഗഷെട്ടി ഹള്ളി, യശ്വന്ത്പുര, രാജാജിനഗർ, മാഗഡി റോഡ് ടോൾ ഗേറ്റ്, വിജയനഗര വഴി നായന്തഹള്ളി മെട്രോ സ്റ്റേഷനിലെത്തും. പ്രതിദിനം 10 ബസുകൾ സർവീസ് നടത്തും.
നേരത്തേ നമ്മ മെട്രോ നിരക്ക് വർധന നിലവിൽ വന്നതോടെ ബിഎംടിസി ബസുകളിലെ യാത്രക്കാരുടെ എണ്ണവും വരുമാനവും വർധിച്ചതായി കണക്കുകൾ പുറത്തു വന്നിരുന്നു. ഇതിനു പിന്നാലെയാണ് ബസുകളുടെ എണ്ണം വർധിപ്പിക്കുന്നത്.
SUMMARY: Two new non-AC bus services from Monday in Bengaluru.
