ബെംഗളൂരു: ബെംഗളൂരുവില് ബൈക്കും ലോറിയും കൂട്ടിയിടിച്ച് മലയാളി വിദ്യാർഥി മരിച്ചു. എറണാംകുളം വെസ്റ്റ് കൊടുങ്ങല്ലൂർ കക്കോളിൽ ഹൗസ് ജോൺ ജോസഫ് സുനിത ദമ്പതികളുടെ ഏക മകൻ ആൽബി ജോൺ ജോസഫ് (18) ആണ് മരിച്ചത്.
ബെംഗളൂരുവിലെ സ്വകാര്യ കോളേജിൽ ബി ടെക് ഇൻ റോബോട്ടിക് ആൻഡ് മെക്കാട്രോനിക്സ് രണ്ടാം വർഷ വിദ്യാർഥിയാണ്. വെള്ളിയാഴ്ച കോളേജിലേക്ക് ബൈക്കിൽ യാത്ര ചെയ്യവേ കെങ്കേരി കുമ്പളഗോഡ് സർവീസ് റോഡിൽ എതിരെ വരുന്ന ലോറി ബൈക്കിൽ ഇടിക്കുകയായിരുന്നു. തുടർന്ന് സ്വകാര്യ ആശുപത്രിയിൽ ചികിത്സയിലായിരിക്കെ ഞായറാഴ്ച ഉച്ചയോടെയായിരുന്നു മരണം.
മൃതദേഹം എഐകെഎംസിസി പ്രവര്ത്തകരുടെ സഹായത്തോടെ പോസ്റ്റ്മോർട്ടം നടപടിക്രമങ്ങള് പൂര്ത്തിയാക്കി നാട്ടിലേക്ക് കൊണ്ടുപോയി. സംസ്കാരം ഇന്ന് വൈകിട്ട് മൂന്നുമണിക്ക് കാരക്കുന്ന് സെന്റ് ജോസഫ് പള്ളിയിൽ നടക്കും.
SUMMARY: Car accident; Malayali student dies tragically
