ബെംഗളൂരു: നഗരത്തിലെ 75 ജംക്ഷനുകളിലെ ഗതാഗത കുരുക്കഴിക്കാനും സുരക്ഷിതമാക്കാനുമുള്ള പദ്ധതിയുടെ ഭാഗമായുള്ള നിർമാണ പ്രവർത്തനങ്ങൾ ആരംഭിച്ചു. 100 കോടി രൂപയുടെ പദ്ധതിയുടെ നിർമാണ പ്രവർത്തനങ്ങൾ തുടങ്ങാൻ കരാറുകാർക്ക് ബിബിഎംപി അനുവാദം നൽകിയതോടെയാണിത്.
പദ്ധതിയുടെ ഭാഗമായി തിരഞ്ഞെടുത്ത ജംക്ഷനുകളിലെ റോഡിന്റെ നിർമാണത്തിലെ പിഴവുകൾ തിരുത്തും. ഒപ്പം നടപാതകളും റോഡ് മുറിച്ചു കടക്കാനുള്ള സംവിധാനങ്ങളും കാര്യക്ഷമമാക്കി അപകടങ്ങൾ ഒഴിവാക്കും. ഓടകൾ നവീകരിക്കും. സൂചന ബോർഡുകളും തെരുവ് വിളക്കുകളും സ്ഥാപിക്കും.
വാഹനങ്ങൾ നടപാതകളിലേക്കു അതിക്രമിച്ചു കയറുന്നത് തടയാൻ ബൊള്ളാർഡുകൾ സ്ഥാപിക്കും. ഫൗണ്ടെയ്നുകൾ സ്ഥാപിച്ചും മരങ്ങൾ നട്ടുപിടിപ്പിച്ചും മോടി പിടിപ്പിക്കും. 2023-24 ബജറ്റിൽ പ്രഖ്യാപിച്ച പദ്ധതിയാണ് ഏറെ കാലതാമസത്തിനൊടുവിൽ നടപ്പിലാക്കുന്നത്.
SUMMARY: BBMP begins to redesign 75 key traffic junctions.
