കോഴിക്കോട്: അന്തരിച്ച മുന് മുഖ്യമന്ത്രി വി എസ് അച്യുതാനന്ദനെ അധിക്ഷേപിച്ച് സമൂഹമാധ്യമത്തില് പോസ്റ്റിട്ടെന്ന പരാതിയില് താമരശ്ശേരി സ്വദേശി ആബിദ് അടിവാരത്തിനെതിരെ പോലീസ് കേസെടുത്തു. ആബിദ് ഫേസ്ബുക്കിലൂടെയാണ് വിദ്വേഷ പ്രചരണം നടത്തിയെന്നാണ് ആരോപണം. ഡിവൈഎഫ്ഐ നേതാവ് പി പി സന്ദീപ് നല്കിയ പരാതിയിലാണ് ആബിദിനെതിരേ കേസെടുത്തിരിക്കുന്നത്.
വ്യാജപ്രചരണം നടത്തി സമൂഹത്തില് കലാപം ഉണ്ടാക്കാൻ ശ്രമിച്ചുവെന്നാണ് കേസ്. മലേഷ്യയില് വെച്ചാണ് ആബിദ് എഫ്ബി യില് പോസ്റ്റിട്ടത്. പ്രതിഷേധങ്ങളെ തുടര്ന്ന് പോസ്റ്റ് എഫ്ബി യില് നിന്നും ആബിദ് പിന്വലിച്ചിരുന്നെങ്കിലും ഇതിന്റെ സ്ക്രീന് ഷോട്ട് വ്യാപകമായി പ്രചരിച്ചിരുന്നു. വി എസിനെ ഇസ്ലാം മതവിരോധിയായി ചിത്രീകരിക്കുന്ന രൂപത്തിലുള്ളതായിരുന്നു എഫ്ബി പോസ്റ്റ്.
SUMMARY: Case filed against Thamarassery native who abused VS after his death
