ബെംഗളൂരു: യാത്രക്കാർക്കു ടിക്കറ്റ് നൽകാതെ ജോലിക്കിടെ 15 മിനിറ്റോളം ഫോണിൽ സംസാരിച്ച ക്ലർക്കിനെ റെയിൽവേ സസ്പെൻഡ് ചെയ്തു. യാദ്ഗിർ റെയിൽവേ സ്റ്റേഷനിലെ ടിക്കറ്റ് കൗണ്ടറിലെ ക്ലർക്കായ സി.മഹേഷിനെതിരെയാണ് നടപടി.
സ്റ്റേഷനിൽ ടിക്കറ്റെടുക്കുന്നതിനായി നീണ്ട ക്യുവിൽ ആളുകൾ കാത്തുനിൽക്കുന്നതിനിടെ മഹേഷ് ഇതു ശ്രദ്ധിക്കാതെ ഫോണിൽ സംസാരിക്കുകയായിരുന്നു. 15 മിനിറ്റോളം ഫോണിൽ സംസാരിച്ചതിനു ശേഷമാണ് ടിക്കറ്റ് നൽകാൻ മഹേഷ് തയാറായത്. ഇതിനിടെ യാത്രക്കാർ ടിക്കറ്റ് നൽകാൻ ആവശ്യപ്പെടുന്നതും മഹേഷ് ഇതിനു കാര്യമാക്കാതെ ഫോണിൽ സംസാരം തുടരുകയും ചെയ്തു.
സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചു. പിന്നാലെയാണ് അന്വേഷണ വിധേയമായി മഹേഷിനെ സസ്പെൻഡ് ചെയ്തത്.
SUMMARY: Karnataka railway clerk suspended after ignoring passengers for 15 minute phone chat.
