ബെംഗളൂരു: നഗരത്തിൽ പുതുക്കിയ ഓട്ടോ നിരക്ക് ഇന്ന് മുതൽ പ്രാബല്യത്തിൽ വരും. നിരക്കിൽ 20% വർധനയാണ് ഏർപ്പെടുത്തിയിട്ടുള്ളത്. 2 കിലോമീറ്റർ വരെ അടിസ്ഥാന നിരക്ക് 30 രൂപയിൽ നിന്നു 36 രൂപയായും അധിക കിലോമീറ്ററിനു 15 രൂപയെന്നതു 18 രൂപയുമായാണ് വർധിപ്പിച്ചത്.
ഓട്ടോ ഡ്രൈവർമാർ ഒക്ടോബർ 30നകം മീറ്റർ മാറ്റിസ്ഥാപിക്കണമെന്നും ഇല്ലെങ്കിൽ നിയമനടപടി നേരിടേണ്ടി വരുമെന്നും അധികൃതർ വ്യക്തമാക്കി. നേരത്തേ നിരക്ക് വർധന കുറഞ്ഞുപോയെന്നും മീറ്റർ മാറ്റില്ലെന്നും ഓട്ടോ ഡ്രൈവർമാരിൽ ഒരു വിഭാഗം പ്രഖ്യാപിച്ചിരുന്നു. അടിസ്ഥാന നിരക്ക് 40 രൂപയായും അധിക കിലോമീറ്ററിനു 20 രൂപയായും വർധിപ്പിക്കണമെന്നാണ് ഇവർ ആവശ്യപ്പെടുന്നത്.
SUMMARY: Auto fare hike effective from today; Bengaluru autorickshaws must upgrade fare meters by Oct 31.
