ബെംഗളൂരു: ചിക്കബെല്ലാപുരയിലെ ഫാമിൽ പന്നികള്‍ ചത്തത് ആഫ്രിക്കൻ പന്നിപ്പനിയെ തുടർന്നെന്ന് ആരോഗ്യവകുപ്പ് സ്ഥിരീകരിച്ചു. ഭോപാലിലെ നാഷനൽ ഇൻസ്‌റ്റിറ്റ്യൂട്ട് ലാബില്‍ നടത്തിയ പരിശോധനയിലാണ് രോഗം സ്ഥിരീകരിച്ചത്. ചിന്താമണി ഹെബാരിയിലെ വെങ്കട്ട റെഡ്ഡിയുടെ എന്ന വ്യക്തിയുടെ ഉടമസ്‌ഥതയിലുള്ള ഫാമിലാണ് കഴിഞ്ഞ ഒരു മാസത്തിനിടെ 100 പന്നികൾ രോഗബാധയെ തുടര്‍ന്ന് ചത്തത്.
സംഭവത്തില്‍ ആരോഗ്യ വകുപ്പ് അധികൃതര്‍ പ്രദേശവാസികൾക്കു ജാഗ്രതാ നിർദേശം നൽകിയിട്ടുണ്ട്. രോഗബാധിത മേഖലയിലേക്കോ പുറത്തേക്കോ പന്നികൾ, പന്നി മാംസം തീറ്റ സാധനങ്ങൾ എന്നിവ കൊണ്ടുപോകുന്നതും വിതരണം ചെയ്യുന്നതും നിരോധനം ഏര്‍പ്പെടുത്തിയിട്ടുണ്ട്. മുന്‍കരുതല്‍ നടപടിക്രമങ്ങളുടെ ഭാഗമായി ഫാമില്‍ അവശേഷിച്ച 57 പന്നികളെ മൃഗസംരക്ഷണവകുപ്പ് ജീവന ക്കാരെത്തി കൊന്നു കുഴിച്ചുമൂടി.
കഴിഞ്ഞ വർഷം ജൂണിൽ, ബാഗൽകോട്ട് ജില്ലയിലെ ഇൽക്കൽ ഗൊരാബലയി ൽ ആഫ്രിക്കൻ പന്നിപ്പനി സ്ഥിരീകരിച്ചിരുന്നു. രോഗബാധിതരായ പന്നികളെ കൊന്നു കുഴിച്ചുമൂടി.
SUMMARY: African swine fever confirmed in Chikkaballapura
