കൊച്ചി: ദീർഘ ദൂര യാത്രക്കാർക്കും, ഉപയോഗക്താക്കള്‍ക്കും 24 മണിക്കൂറും ടോയ്‌ലറ്റ് സൗകര്യം ലഭ്യമാക്കണമെന്ന് ഹൈക്കോടതി ഉത്തരവ്. പെട്രോള്‍ പമ്പുകളിലെ ടോയ്‌ലറ്റ് ഉപയോഗത്തില്‍ പമ്പ് ഉടമകള്‍ നല്‍കിയ അപ്പീലിലാണ് ഉത്തരവ്. ദേശീയപാതയല്ലാത്ത സ്ഥലങ്ങളില്‍ പൊതുജനങ്ങള്‍ക്ക് സൗകര്യം അനുവദിക്കണോ എന്ന കാര്യം പമ്പുടമകള്‍ക്ക് തീരുമാനിക്കാമെന്നും കോടതി വിശദീകരിച്ചു.
അതേസമയം, ദേശീയ പാതയില്‍ യാത്രികർക്ക് അടിസ്ഥാന സൗകര്യങ്ങള്‍ ഒരുക്കേണ്ടത് എൻഎച്ച്‌ഐ ആണെന്നും അത് പെട്രോള്‍ പമ്പ് ഉടമകള്‍ക്ക് നല്‍കാനാവില്ലെന്നും കോടതി നിരീക്ഷിച്ചു. ആദ്യ ഘട്ടത്തില്‍ പമ്പിലെ ശുചിമുറികള്‍ ഉപയോഗിക്കാനുള്ള സൗകര്യം പമ്ബിലെത്തുന്ന ഉപയോക്താക്കള്‍ക്കു മാത്രമായി നിജപ്പെടുത്തിയിരുന്നു.
എന്നാല്‍, പിന്നീട് ഈ ഉത്തരവില്‍ കോടതി ഭേഭദഗതി കൊണ്ടുവന്നു. എല്ലാ യാത്രികർക്കും ശുചിമുറികള്‍ തുറന്നു നല്‍കണം എന്നായിരുന്നു കോടതിയുടെ പുതുക്കിയ നിർദേശം. ഇതിനെതിരേ പമ്പുടമകള്‍ ഡിവിഷൻ ബെഞ്ചിനെ സമീപിക്കുകയായിരുന്നു. ഈ ഹർജിയിയിലാണ് ജസ്റ്റിസ് അമിത് റാവലിന്‍റെ സിംഗിള്‍ ബെഞ്ച് ഉത്തരവ് പുറപ്പെടുവിച്ചിരിക്കുന്നത്.
SUMMARY: Petrol pumps on national highways must provide 24-hour toilet facilities: High Court
