ആലപ്പുഴ: വാഹനാപകടത്തില് 12 വയസുകാരന് ദാരുണാന്ത്യം. ആലപ്പുഴ തുറവൂരിലാണ് സംഭവം. വയലാർ കൊല്ലപ്പള്ളി പള്ളിപ്പാട്ട് നിഷാദിന്റെ മകൻ ശബരീശൻ അയ്യൻ ആണ് മരിച്ചത്. ദേശീയപാതയില് പത്മാക്ഷികവലയ്ക്ക് സമീപമാണ് അപകടമുണ്ടായത്. അച്ഛന്റെ ബൈക്കിന്റെ പിൻസീറ്റിലിരിക്കുകയായിരുന്നു ശബരീശനും സഹോദരനും.
ഇതിനിടെ സ്വകാര്യ ബസ് ബൈക്കില് ഇടിക്കുകയായിരുന്നു. തുടർന്ന് ബൈക്കിന്റെ നിയന്ത്രണം വിട്ട് പിൻസീറ്റിലിരുന്ന ശബരീശൻ അയ്യൻ സ്വകാര്യ ബസിനടിയിലേക്ക് തെറിച്ചുവീഴുകയായിരുന്നു. ബസിന്റെ പിൻചക്രം കയറിയിറങ്ങിയതിനാല് ശബരീശൻ തല്ക്ഷണം മരിച്ചു. പരുക്കേറ്റ നിഷാദും ഇളയ മകനും തുറവൂർ സർക്കാർ ആശുപത്രിയില് ചികിത്സയിലാണ്.
SUMMARY: 12-year-old boy dies after falling off bike onto road, hit by bus
