തിരുവനന്തപുരം: സംസ്ഥാനത്ത് ആദ്യമായി ന്യൂക്ലിയര് മെഡിസിനില് പിജി സീറ്റുകള് അനുവദിച്ചു. കോഴിക്കോട് മെഡിക്കല് കോളജിനാണ് സീറ്റുകള് അനുവദിച്ചതെന്ന് ആരോഗ്യമന്ത്രി വീണാ ജോര്ജ് അറിയിച്ചു. രാജ്യത്ത് സ്റ്റേറ്റ് മെഡിക്കല് കോളേജുകളില് ആദ്യമായാണ് ന്യൂക്ലിയര് മെഡിസിന് പിജി പഠനം സാധ്യമാകുന്നതെന്ന് മന്ത്രി അറിയിച്ചു.
മലബാര് കാന്സര് സെന്ററില് റേഡിയേഷന് ഓങ്കോളജിയില് പിജി സീറ്റുകള് അനുവദിച്ചു. ന്യൂക്ലിയര് മെഡിസിനിലേയും റേഡിയേഷന് ഓങ്കോളജിയിലേയും ഉള്പ്പെടെ പിജി സീറ്റുകള് കേരളത്തിന്റെ കാന്സര് ചികിത്സാരംഗത്തിന് കൂടുതല് കരുത്ത് പകരും. 81 പുതിയ പിജി സീറ്റുകള്ക്കാണ് കേരളത്തിന് ഇത്തവണ എന്എംസി അനുമതി നല്കിയത്.
ആലപ്പുഴ മെഡിക്കല് കോളജ് 17, എറണാകുളം മെഡിക്കല് കോളജ് 15, കണ്ണൂര് മെഡിക്കല് കോളജ് 15, കൊല്ലം മെഡിക്കല് കോളജ് 30, കോഴിക്കോട് മെഡിക്കല് കോളജ് 2, മലബാര് കാന്സര് സെന്റര് (എംസിസി) 2 എന്നിങ്ങനെയാണ് സീറ്റുകള് അനുവദിക്കപ്പെട്ടതെന്ന് മന്ത്രി അറിയിച്ചു.
SUMMARY: For the first time in Kerala, PG seats in Nuclear Medicine have been allotted to Kozhikode Medical College.
WhatsApp
Telegram
