ബെംഗളുരു: കേരളത്തില് അടുത്തമാസം നടക്കുന്ന തദ്ദേശ തിരഞ്ഞെടുപ്പിന്റെ ഭാഗമായി എഐകെഎംസിസി ബെംഗളൂരു സെൻട്രൽ കമ്മിറ്റിയുടെ നേതൃത്വത്തില് സംഘടിപ്പിക്കുന്ന തിരഞ്ഞെടുപ്പ് കൺവൻഷനും കുടുംബസംഗമവും ഇന്ന് ഉച്ചയ്ക്ക് 2.30 ന് സോമേശ്വരനഗർ ശിഹാബ് തങ്ങൾ ഓഡിറ്റോറിയത്തിൽ നടക്കും. പാണക്കാട് മുനവ്വറലി ശിഹാബ് തങ്ങൾ ഉദ്ഘാടനം ചെയ്യും. എഐകെഎംസിസി പ്രസിഡന്റ് ടി.ഉസ്മാൻ അധ്യക്ഷത വഹിക്കും.
മലബാർ മുസ്ലിം അസോസിയേഷൻ പ്രസിഡന്റ് ഡോ. എൻ.എ.മുഹമ്മദ്, ബെംഗളുരു വികസന അതോറിറ്റി ചെയർമാനും എംഎൽഎയുമായ എൻ.എ.ഹാരിസ് എന്നിവർ വിശിഷ്ടാതിഥികളാകും. കുടുംബസംഗമത്തിൽ വനിതാ ലീഗ് കേരള സംസ്ഥാന പ്രസിഡന്റ് സുഹറ മമ്പാട് മുഖ്യപ്രഭാഷണം നടത്തും. വിവിധ പരീക്ഷകളിൽ ഉന്നത വിജയം നേടിയ വിദ്യാര്ഥികള്ക്കുള്ള ഉപഹാരങ്ങൾ ചടങ്ങില് വിതരണം ചെയ്യും.
SUMMARY: AIKMCC election convention and family reunion today
