കണ്ണൂർ: മട്ടന്നൂർ പാലയോട് വീടിന്റെ വാതില്‍ തകർത്തു അകത്തു കടന്നു പത്ത് പവൻ സ്വർണാഭരണങ്ങളും 10,000 രൂപയും കവർന്ന പ്രതി പിടിയില്‍. പാലക്കാട് വട്ടമന്നപുരം സ്വദേശി എം. നവാസിനെയാണ് (55) മട്ടന്നൂർ പോലീസ് പിടികൂടിയത്. തെരൂർ പാലയോട്ടെ പൗർണമിയില്‍ ടി. നാരായണന്റെ വീട്ടിലാണു കവർച്ച നടന്നത്.
ഈ മാസം 22 നായിരുന്നു സംഭവം. നാരായണൻ തനിച്ചാണ് വീട്ടില്‍ താമസിക്കുന്നത്. മോഷണം നടക്കുന്ന ദിവസം നാരായണൻ വീട് പൂട്ടി ബെംഗളൂരുവിലെ മകളുടെ വീട്ടില്‍ പോയിരുന്നു. കഴിഞ്ഞ ഞായറാഴ്ച രാത്രി തിരികെ വീട്ടില്‍ എത്തിയപ്പോഴാണ് വീടിന്റെ മുൻ വശത്തെ വാതില്‍ തകർത്ത നിലയില്‍ കണ്ടത്. തുടർന്ന് നടത്തിയ പരിശോധനയില്‍ സ്വർണവും പണവും നഷ്ടപ്പെട്ടതായി മനസിലായി.
വീടിന് ചുറ്റും സിസിടിവി സ്ഥാപിച്ചിരുന്നെങ്കിലും വീടിന്റെ മുൻഭാഗത്തും പിൻഭാഗത്തും സ്ഥാപിച്ച കാമറകള്‍ തകർത്താണ് അകത്തു കയറിയത്. കണ്ണൂരില്‍നിന്ന് ഡോഗ് സ്ക്വാഡും വിരലടയാള വിദഗ്ധരും സ്ഥലത്തെത്തി പരിശോധന നടത്തി ശാസ്ത്രീയമായ പരിശോധനയിലാണ് പ്രതിയെക്കുറിച്ച്‌ തെളിവ് ലഭിച്ചത്.
SUMMARY: Suspect arrested for breaking into house in Mattanur, stealing 10 gold pieces and Rs. 10,000
