പത്തനംതിട്ട: മകരവിളക്ക് ഉത്സവകാലത്തെ വൻ തിരക്ക് പരിഗണിച്ച്‌ ശബരിമല തീർത്ഥാടകർക്കായി ഇന്ത്യൻ റെയില്‍വേ കൂടുതല്‍ സ്പെഷ്യല്‍ ട്രെയിനുകള്‍ പ്രഖ്യാപിച്ചു. കൊല്ലം – കാക്കിനട ടൗണ്‍ എക്സ്പ്രസ്, തിരുവനന്തപുരം സെൻട്രല്‍ – ചരളാപ്പള്ളി എക്സ്പ്രസ് അധിക സർവീസുകള്‍ നടത്തുന്നത്.
ഈ വർഷം ആകെ 336 സ്പെഷ്യല്‍ ട്രെയിനുകളാണ് ശബരിമല തീർത്ഥാടകർക്കായി റെയില്‍വേ ഒരുക്കിയിരിക്കുന്നത്.
ട്രെയിനുകളും സമയക്രമവും
കൊല്ലം – കാക്കിനട ടൗണ്‍ എക്സ്പ്രസ് (06065/06066)
കൊല്ലത്ത് നിന്ന്: ജനുവരി 15 (വ്യാഴം) പുലർച്ചെ 03:30-ന് പുറപ്പെട്ട് വെള്ളിയാഴ്ച ഉച്ചയ്ക്ക് 12:00-ന് കാക്കിനടയിലെത്തും.
കാക്കിനടയില്‍ നിന്ന്: ജനുവരി 16 (വെള്ളി) വൈകിട്ട് 06:28-ന് പുറപ്പെട്ട് ശനിയാഴ്ച രാത്രി 10:30-ന് കൊല്ലത്തെത്തും.
പ്രധാന സ്റ്റോപ്പുകള്‍: കായംകുളം, ചെങ്ങന്നൂർ (04:30 AM), തിരുവല്ല, ചങ്ങനാശ്ശേരി, കോട്ടയം (06:00 AM), എറണാകുളം ടൗണ്‍, ആലുവ, തൃശൂർ.
തിരുവനന്തപുരം – ചരളാപ്പള്ളി എക്സ്പ്രസ് (06067/06068)
തിരുവനന്തപുരത്ത് നിന്ന്: ജനുവരി 15 (വ്യാഴം) പുലർച്ചെ 04:10-ന് പുറപ്പെട്ട് വെള്ളിയാഴ്ച പുലർച്ചെ 03:00-ന് ചരളാപ്പള്ളിയില്‍ എത്തും.
ചരളാപ്പള്ളിയില്‍ നിന്ന്: ജനുവരി 16 (വെള്ളി) രാത്രി 09:45-ന് പുറപ്പെട്ട് ഞായറാഴ്ച രാവിലെ 08:00-ന് തിരുവനന്തപുരത്ത് എത്തും.
പ്രധാന സ്റ്റോപ്പുകള്‍: കൊല്ലം, ചെങ്ങന്നൂർ (06:00 AM), തിരുവല്ല, ചങ്ങനാശ്ശേരി, കോട്ടയം (07:20 AM), എറണാകുളം ടൗണ്‍, ആലുവ, തൃശൂർ.
SUMMARY: Sabarimala Makaravilakku; Special trains from Kollam and Thiruvananthapuram
