ചെന്നൈ: മുല്ലപ്പെരിയാറില്‍ പുതിയ ഡാം വേണമെന്ന സംസ്ഥാനത്തിന്റെ ആവശ്യം വീണ്ടും ഉന്നയിച്ച്‌ മുഖ്യമന്ത്രി വി.ഡി. സതീശന്‍. ചെന്നൈയില്‍ നടന്ന ദക്ഷിണേന്ത്യന്‍ മുഖ്യമന്ത്രിമാരുടെ സമ്മേളനത്തിലാണ് മുഖ്യമന്ത്രി ഇക്കാര്യം ഉന്നയിച്ചത്. കേന്ദ്ര ആഭ്യന്തരമന്ത്രി അമിത് ഷാ വിളിച്ചുചേര്‍ത്ത ഈ യോഗത്തില്‍ വ്യവസായ മന്ത്രി പി.കെ. കുഞ്ഞാലിക്കുട്ടിയും പങ്കെടുത്തു.
പുതിയ അണക്കെട്ട് നിര്‍മിക്കുന്നതിനുള്ള മുഴുവന്‍ ചെലവും കേരളം വഹിക്കാമെന്ന് മുഖ്യമന്ത്രി യോഗത്തില്‍ പറഞ്ഞു. പുതിയ ഡാം എവിടെ നിര്‍മിക്കണമെന്ന് തീരുമാനിക്കാനുള്ള പൂര്‍ണ്ണ അധികാരം തമിഴ്‌നാടിന് വിട്ടുനല്‍കാം. പുതിയ ഡാമില്‍ നിന്നുള്ള വെള്ളം പൂര്‍ണ്ണമായും തമിഴ്‌നാടിന് തന്നെ നല്‍കാമെന്നും കേരളം ഉറപ്പുനല്‍കി.
എന്നാല്‍ നിലപാട് മാറ്റാന്‍ ഒരുക്കമല്ലെന്നാണ് തമിഴ്‌നാട് ആവര്‍ത്തിച്ചത്. ജലനിരപ്പ് 152 അടിയായി ഉയര്‍ത്തണമെന്നാണ് തമിഴ്‌നാട് മുഖ്യമന്ത്രി സി. ജോസഫ് വിജയ് പറഞ്ഞത്. ജലനിരപ്പ് 152 അടിയാക്കിയാല്‍ മാത്രമേ തമിഴ്‌നാട്ടിലെ കാര്‍ഷിക ആവശ്യങ്ങള്‍ക്ക് അത് പ്രയോജനമാവുകയുള്ളൂ.
SUMMARY: A new dam is needed at Mullaperiyar; Kerala will bear the entire cost, says the Chief Minister
