മുംബൈ: ബോളിവുഡ് സൂപ്പർ താരം ആമിർ ഖാനും പ്രണയിനി ഗൗരി സ്പ്രാറ്റും വിവാഹിതരായി. നടന്റെ ബാന്ദ്രയിലെ വസതിയില്‍ ലളിതമായ രജിസ്റ്റർ വിവാഹമായതാണ് നടത്തിയത്. ആമിറിന്റെയും ഗൗരിയുടെയും മുൻ വിവാഹങ്ങളിലെ മക്കളും അടുത്ത കുടുംബാംഗങ്ങളും ചടങ്ങിന് സാക്ഷികളായി. ബെംഗളൂരു സ്വദേശിനിയാണ് ഗൗരി സ്പ്രാറ്റ്.
തന്റെ അറുപതാം ജന്മദിനത്തിലാണ് ഗൗരിയുമായുള്ള പ്രണയം ആമിർ പരസ്യമാക്കിയത്. 25 വർഷങ്ങള്‍ക്ക് മുൻപാണ് ഇരുവരും ആദ്യമായി കണ്ടുമുട്ടിയത്. പിന്നീട് വർഷങ്ങള്‍ക്ക് ശേഷം വീണ്ടും കണ്ടുമുട്ടുകയും, ആ സൗഹൃദം പ്രണയമായി മാറുകയുമായിരുന്നു. ഗൗരിയുടെ രണ്ടാം വിവാഹമാണിത്. അറുപത്തൊന്ന് വയസുകാരനായ ആമിർ ഖാന്റെ മൂന്നാം വിവാഹമാണിത്.
ബാല്യകാല സുഹൃത്തായ റീന ദത്ത ആയിരുന്നു ആദ്യ പങ്കാളി. 1986ല്‍ വിവാഹിതരായ ഇവർ 2002ല്‍ വേർപിരിഞ്ഞു. ജുനൈദ്, ഐറ എന്നിങ്ങനെ രണ്ട് മക്കളാണ് ഇവർക്കുള്ളത്. 2005ല്‍ സംവിധായിക കിരണ്‍ റാവുവിനെ ആമിർ വിവാഹം ചെയ്തു. 2021ല്‍ ഇവർ വിവാഹമോചിതരായി. വാടകഗർഭധാരണത്തിലൂടെ ജനിച്ച മകൻ ആസാദിനെ ഇരുവരും ചേർന്നാണ് വളർത്തുന്നത്.
SUMMARY: Aamir Khan has remarried.
